default_image

5 months ago

February 6, 2024

वर्ष प्रशिक्षकको मनोनय- देसाईसहित ६ खेलका ८ जना

1225 views

0 Bookmark

काठमाडौं (हाम्रो खेलकुद) – अर्को साता आयोजना हुने एनएसजेएफ पल्सर स्पोर्टस अवार्ड २०७९ को वर्ष प्रशिक्षककोे मनोनयन सार्वजनिक भएको छ ।

नेपाल खेलकुद पत्रकार मन्चले माघ २८ गते आयोजना गर्ने अवार्डको मंगलबार वर्षका उत्कृष्ट प्रशिक्षक र युवा खेलाडी मनोनयन सार्वजनिक गरेको हो । दुई दिन अघि वर्षका उत्कृष्ट खलाडी महिला र पुरुषकोे नाम सार्वजनिक भएको थियो ।
यसपटक ४ विधामा समान ८ जनालाई मनोनयमा राखिएको छ । यसअघि ५ जना मनोनयनमा राख्ने गरिएको थियो ।

वर्षका उत्कृष्ट प्रशिक्षकको मनोनयनमा क्रिकेट र फुटबलका समान २ जना प्रशिक्षणमा छन् । राष्ट्रिय क्रिकेट टोलीका प्रशिक्षक मोन्टी देसाई र यू १९ का प्रशिक्षक जगत टामाटा फुटबलका अनन्त थापा र भगवती रानागमरसहित एथलेटिक्सका चन्द्र गुरुङ, बक्सिङका दीपक महर्जन, भलिबलका भरत शाह र पौडीका ओङ्देन लामा मनोनयमा परेका छन् ।

यसपटक युवाको मनोनयमा क्रिकेट, फुटबल र बक्सिङकासमान दुई खेलाडी मनोनयनमा परेका छन् । क्रिकेटका यू १९ का कप्तान देव खनाल, दीपेश कँडेल, फुटबलका सुजाता तामाङ र युनेश बुढाथोकी, बक्सिङका सुष्मा तामाङ र विजय बाटासहित एथलेटिक्सकी राममाया बुढा र गल्फका सद्भाव आचार्य मनोनयनयमा परेका छन् ।

वर्ष २०७९ सालमा गरेको प्रदर्शनका आधारमा खेलाडी र उसलाई सफलता दिलाउन महत्वपूर्ण भूमिका खेलेका प्रशिक्षकलाई मनोनयनमा परेको बताइएको छ ।

पिपल्स च्वाइस विधाको मनोनयन सार्वजनिक भइसकेको छ । पिपल्स च्वाइसमा फुटबलका अनन्त तामाङ, करातेका विप्लवलाल श्रेष्ठ, भलिबलकी निरुता ठगुन्ना, टेबलटेनिसकी सिक्का सुवाल श्रेष्ठ र शारीरिक सुगठनकी रजनी श्रेष्ठ मनोनयनमा छन् ।

स्पोर्ट्स अवार्डका अन्य विधा पारा एथलिट सम्मान, स्पेसल अवार्ड, लाइफटाइम एचिभमेन्ट अवार्ड र एसियन स्पोर्ट्स जर्नालिस्ट अवार्डको घोषणा भने माघ २८ गते कार्यक्रमकै दिन घोषणा हुनेछ ।

यस पटक वर्ष पुरुष, महिला, युवा, प्रशिक्षक र पिपल्स च्वाइस गरी पाँच विजेताले बजाज पल्सर मोटरसाइकल पाउनेछन् । तीमध्ये दुई वटा एन २५० र तीन वटा एन १६० मोटरसाइकल रहेको छ । अन्य विधाका विजेतालाई जनही ५० हजार रुपैयाँ र गिफ्ट ह्याम्पर प्रदान गरिनेछ ।

स्पोर्ट्स अवार्डको मुख्य प्रायोजकमा हंशराज हुलासचन्द एन्ड कम्पनी तथा सह–प्रायोजक र सहयोगीमा ई–सेवा, केल्मी, सूर्य नेपाल प्रालि, होटल याक एन्ड यती, युनाइटेड अजोड इन्स्योरेन्स, लालपूर्जा नेपाल, सुबिसु, रोयल सिंगी होटल, प्लाजा गु्रप अफ होटल्स, आईएसएस, ई–ड्राइभ नेपाल, राष्ट्रिय खेलकुद परिषद् (राखेप) र नेपाल ओलम्पिक कमिटी रहेका छन् ।

एनएसजेएफ पल्सर स्पोर्टस अवार्ड २०७९

वर्षका उत्कृष्ट प्रशिक्षकको मनोनयन

अनन्त थापा (फुटबल)

– साफ महिला च्याम्पियनसिपको उपविजेता नेपाली टिमका प्रशिक्षक
– साफ च्याम्पियनसिपमा पहिलो पटक नेपालले भारतलाई हराउँदाका प्रशिक्षक
– भारतविरुद्धको दुई मैत्रीपूर्ण खेलमा बराबरी नतिजा
– पेरिस ओलम्पिक २०२४ को प्रारम्भिक एसियाली छनोटमा भियतनामविरुद्ध घरेलु मैदान दुई खेलको प्रशिक्षक

भगवती रानामगर (फुटबल)

– बंगलादेशमा भएको साफ यू–१५ महिला च्याम्पियनसिपको उपाधि विजेता टोलीका प्रशिक्षक
– नेपाली महिला युथ टिमले दोस्रो पटक उपाधि जित्दाको मुख्य प्रशिक्षक
– साफ य–ू१७ महिला टिमका प्रशिक्षक । नेपाल चौथो स्थान सफल ।

भरत शाह (भलिबल)

– काभा सेन्ट्रल जोन बिच भलिबलमा दुई रजत जित्दाका प्रशिक्षक
– उनको प्रशिक्षणमा नेपालको महिला र पुरुष टिमले रजत जितेको थियो ।

चन्द्र गुरुङ (एथलेटिक्स)

– १६औं एसियाली क्रसकन्ट्री च्याम्पियनसिपमा नेपाललाई २ स्वर्णसहित ऐतिहासिक पदक दिलाउने प्रशिक्षक । सिनियरमा २ स्वर्ण र १ कांस्य तथा जुनियरमा २ रजत र १ कांस्य
–बंगबन्धु शेख मुजिब ढाका म्याराथनमा नेपाल १ स्वर्ण र २ कांस्य जित्दाका प्रशिक्षक

दीपक महर्जन (बक्सिङ)
– एएसबीसी यू–२२ एसियाली महिला तथा पुरुष बक्सिङ च्याम्पियनसिपमा १ रजत र ३ कांस्य पदक दिलाउँदाका प्रशिक्षक ।
–च्याम्पियनसिपमा सुष्मा तामाङ रजत जित्न सफल, हेमा राई, त्रिशा जबेगु र विजय बाटा कांस्य जित्न सफल ।

जगत टमाटा (क्रिकेट)

– आईसीसी यू–१९ विश्वकप क्रिकेटमा नेपाललाई ८ वर्षपछि छनोट गराउन सफल प्रशिक्षक
– यूएईलाई उसकै भूमिमा अन्तिम खेलमा पराजित गरी एसिया छनोट जित्दै नेपाल विश्वकपमा पुग्न सफल

मोन्टी देसाई (क्रिकेट)

– नेपाल एकदिवसीय अन्तर्राष्ट्रिय मान्यता जोगाउन सफल प्रशिक्षक
– विश्वकप लिग २ को अन्तिम १२ मध्ये ९ खेल जिताएर नेपालको एकदिवसीय अन्तर्राष्ट्रिय मान्यता जोगाउन सफल ।
– विश्वकप लिग २ को अन्तिम १२ मध्ये ११ खेल जित्दै सोझे विश्वकप छनोट हुनुका साथै एकदिवसीय अन्तर्राष्ट्रिय जोगाउन सफल ।

ओङ्देन लामा (पौडी)

– नवौं राष्ट्रिय खेलकुदमा त्रिभुवन आर्मी क्लबले सर्वाधिक २० स्वर्ण जित्दाका प्रशिक्षक
– नवौं राष्ट्रियमा आर्मी २० स्वर्ण, ९ रजत ७ कांस्यसहित ३६ पदक जित्न सफल । डुवाना लामा ९ र नासिर याहा हुसेन ७ स्वर्ण जित्न सफल

July 17, 2024

मोड्रिच रियलको नयाँ कप्तान

एजेन्सी – मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

July 17, 2024

‘द ब्यूटीफुल गेम’ भित्रका कुरुप शब्दहरु

सन्जोग चाम्लिङ राई गुगलमा ‘द ब्यूटीफुल गेम’ टाइप गरी खोज्नु भयो भने त्यसले फुटबलसँग सम्बन्धित विभिन्न लेख र चित्रतर्फ तपाईंलाई डोर्याउँछ । यही नाम गरेको फिल्म पनि नेटफ्लिक्समा पाईन्छ, जसको विषय फुटबल नै हो । फुटबललाई ‘द ब्यूटीफुल गेम’ भनेर नै विश्वभर भन्ने गरे पछि गुगलले त भन्ने नै भयो । यो बुझाईमा विश्वव्यापी सहमति […]

Success

Thank you for your time.