9 months ago
February 6, 2024
एजेन्सी – दावेदार मानिएको दक्षिण कोरिया माथि सानदार जित निकाल्दै जोर्डन कतारमा जारी एसियन कपको फाइनलमा प्रवेश गरेको छ । वरियतामा निकै माथि रहेको दक्षिण कोरिया माथि २-० को जित निकाल्दै जोर्डन पहिलो पटक एसियन कपको उपाधि भिडन्तमा आफ्नो स्थान पक्का गरेको हो ।
५३औं मिनेटमा जोर्डनले सुरुवाती अग्रता लिएको थियो । मूसा अल तामरीको पासमा बक्सको मध्यभाग बाट गोलकिपर माथि चिप गर्दै याजान अल नैमातले खेलमा जोर्डनलाई अग्रता दिलाएका थिए ।
६६औं मिनेटमा जोर्डनले अग्रता दोब्बर बनायो । पहिलो गोलमा असिस्ट गरेका अल तमारीले उत्कृष्ट एकल गोल गर्दै अग्रता दोब्बर बनाए । मैदानको मध्यभाग बाट बल लिएर उनले एकल रन बनाउँदै बक्सको छेउबाट गरेको प्रहार गोल परिणत भएको थियो ।
जोर्डन र दक्षिण कोरिया एकै समूहमा रहेका थिए । सो समूहमा दक्षिण कोरिया दोस्रो र जोर्डन तेस्रो रहँदै अन्तिम १६ का लागि छनोट भएका थिए ।
जोर्डनले अन्तिम १६ मा ईराक र क्वाटरफाइनलमा ताजिकिस्तानलाई हराउदै पहिलो पटक सेमिफाइनलको जात्रा तय गरेको थियो ।
जोर्डनले अब फाइनलमा कतार र इरान बीच भोलि हुने दोस्रो सेमिफाइनलको विजेता विरुद्ध उपाधिका लागि खेल्ने छ । फाइनल शनिबार हुने छ ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]
