default_image

2 weeks ago

February 10, 2024

नेपाली युवा टोलीको चिनियाँ टोली विरुद्ध फराकिलो जित 

काठमाडौँ (हाम्रो खेलकुद) – चिनियाँ नयाँ वर्षको अवसरमा दशरथ रंगशालामा भएको खेलमा नेपाली युवा टोलीले युशु युवा टोलीलाई ५-१ ले पराजित गरेको छ । सांस्कृतिक कार्यक्रम पश्चात सुरु भएको खेलमा नेपालका लागि समिर तामाङले दुई गोल गरे भने सन्जीब विष्ट, छिरिङ लामा र निराजन धामीले एक-एक गोल गरे ।  सुरुवाती समय देखि नै आक्रामक देखिएको […]

4531 views

0 Bookmark

काठमाडौँ (हाम्रो खेलकुद) – चिनियाँ नयाँ वर्षको अवसरमा दशरथ रंगशालामा भएको खेलमा नेपाली युवा टोलीले युशु युवा टोलीलाई ५-१ ले पराजित गरेको छ । सांस्कृतिक कार्यक्रम पश्चात सुरु भएको खेलमा नेपालका लागि समिर तामाङले दुई गोल गरे भने सन्जीब विष्ट, छिरिङ लामा र निराजन धामीले एक-एक गोल गरे । 

सुरुवाती समय देखि नै आक्रामक देखिएको नेपाली टोली पाहुना टोलीमाथि हावी हुन पुग्यो । खेलको पहिलो मौका भने युशुलाई गएको थियो । तर त्यसलगत्तै अर्कोतर्फ नेपालले अग्रता बनाउन सफल भयो ।      

पहिलो मिनेटमा नै युशुका वुझोउ निमाले बललाई जालिमा हालेका थिए तर रेफ्रीले अफसाइड दिएपछि गोल मान्य भएन । तर दोस्रो मिनेटमा नै नेपालले अग्रता लिन सफल भयो । आयुष घलानले लेफ्ट विङमा एक डिफेन्डर छक्याएर खेलेको क्रसमा सन्जीव विष्टले हेडर मार्फत गोल गर्दै खेलमा नेपाली युवा टोलीले अग्रता लिएको थियो ।

पाँचौं मिनेटमा नेपाल अग्रता दोब्बर बनाउनबाट चुक्यो । तर उत्सव राईको क्रस आयुषको केही माथिबाट बाहिरिन पुग्यो ।

आठौं मिनेटमा युशुका डान्झोउ जियाङकाईको प्रहार पोस्टको थोरै टाढाबाट बाहिरियो । १२औं मिनेटमा आयुषकै क्रसमा लाकेन लिम्बूको हेडर पोस्टको थोरै टाढाबाट बाहिरियो । फारपोस्टमा छिरिङ लामाले बललाई पोस्ट तर्फ प्रहार गर्ने प्रयास गरेका थिए तर बलमा सम्पर्क बनाउन सकेनन् ।

२७औं मिनेटमा आयुषकै फ्रिकिकमा लाकेनको हेडर पुनः पोस्टतर्फ जान सकेन । दुई मिनेट पछि समिर तामाङले बायाँ फ्लान्कमा रन बनाएर खेलेको क्रसमा सन्जीवले पोस्टतर्फ प्रहार गर्न सकेनन् । ३५औं मिनेटमा मनिष डाँगीको प्रहार युशुका गोलरक्षक दान्जेङ निछिले सहजै समाते ।  

३९औ मिनेटमा नेपाली टोलीले अग्रता दोब्बर बनायो । छिरिङ लामाको क्रसमा समिर तामाङको क्लोज-रेञ्ज हेडरले युशुका गोलरक्षकलाई बिट गरेको थियो । त्यसपछि पनि नेपालले लगातार आक्रमण बुनिरहेको थियो । ४५औ मिनेटमा सुमितको लङ-रेञ्ज प्रहार क्रसबारमा लागेर पोस्टमाथिबाट बाहिरियो । 

४७औ मिनेटमा छिरिङको क्रसमा सन्जीबको हेडर पोस्ट माथिबाट बाहिरियो । ५४औ मिनेटमा नेपाली टोलीले तेस्रो गोल गर्न सफल रह्यो । बक्सको दाँयापट्टिबाट सन्जीबको क्रसमा फारपोस्टमा खालि रहेका समिरले हेदर मार्फत व्यक्तिगत दोस्रो गोल गर्दै अग्रता तीन गोलको बनाए ।

६३औ मिनेटमा छिरिङ नेपालका लागि चौथो गोल गर्न सफल भए । उत्सब राईको क्रसमा आयुषको हेडर प्रयासमा गोलकिपरले बल पन्च गरेपछि छिरिङले बक्सको छेउबाट सहजै बललाई पोस्टको दिशा देखाएका थिए ।   

७३औ मिनेटमा छिरिङको हेडर प्रयास गोललाइन बाट क्लियर हुन पुग्यो । त्यसको अर्को मिनेटमा सुमित श्रेष्ठको क्रसमा समिरले हेडरमा सम्पर्क गर्न नासकेपचु निराजन धामीले बललाई सिक्स-यार्ड लाइनबाट सहजै गोल गरे । 

७८औ मिनेटमा युशु टोलीले एक गोल फर्कायो । जिउमेइ वेनजियाङको लामो बलमा झा छिको प्रहार पोस्टमा लागेर  फर्किएपछि झाछी पेंगकुओले सहजै गोल गरेर पाँच गोलले पछि परेको अवस्थाबाट चार गोलमा झार्दै सान्त्वना गोल गरे ।  

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

Success

Thank you for your time.