default_image

2 months ago

February 13, 2024

चौथो पाँचथर गोल्डकपमा आर्मीसहित ८ टोलीले भाग लिने

दिपक बोहोरा, पाँचथर अर्को साता सुरु हुने चौथो पाँचथर गोल्ड कप फुटबल प्रतियोगितामा भाग लिने टोलीको टुंगो लागेको छ । फागुन १२ गतेदेखि सुरु हुने प्रतियोगितामा टोलीको टुंगो लागेको मंगलबार सदरमुकाम फिदिममा पत्रकार सम्मेलन मार्फत आयोजक पाँचथर क्लबले जानकारी दिएको छ । ४ बर्षपछि प्रतियोगिता हुन लागेको हो । २०७६ को चैतपछि प्रतियोगिता भएको थिएन […]

2195 views

0 Bookmark

दिपक बोहोरा, पाँचथर

अर्को साता सुरु हुने चौथो पाँचथर गोल्ड कप फुटबल प्रतियोगितामा भाग लिने टोलीको टुंगो लागेको छ । फागुन १२ गतेदेखि सुरु हुने प्रतियोगितामा टोलीको टुंगो लागेको मंगलबार सदरमुकाम फिदिममा पत्रकार सम्मेलन मार्फत आयोजक पाँचथर क्लबले जानकारी दिएको छ ।

४ बर्षपछि प्रतियोगिता हुन लागेको हो । २०७६ को चैतपछि प्रतियोगिता भएको थिएन । प्रतियोगिता फिदिम माविको खेलमैदानमा हुनेछ ।

भारतको हिल्स फुटबल एकेडेमी, आयोजक पाँचथर क्लब, ए डिभिजन क्लब त्रिभुवन आर्मी फुटबल क्लब, बाग्मती फुटबल क्लब सर्लाही, पथरी ११ फुटबल क्लब मोरङ, झापा ११ फुटबल क्लब , नमो बुद्ध युवा फुटबल क्लब सप्तरी, रेर्डहर्स फुटबल क्लब इलाम गरि ८ टोलीको सहभागिता रहनेछ ।

हरेक खेलको म्यान अफ दी म्याचले ५ हजार रुपैयाँ प्राप्त गर्नेछन् । प्रतियोगिताका सर्वाधिक गोलकर्ता, उत्कृष्ट गोलकिपर, डिफेन्डर, मिडफिल्डर र प्रशिक्षकले समान १० हजार रुपैयाँ तथा उदीयमान खेलाडी र सर्वोकृष्ट खेलाडीले समान १५ हजार रुपैयाँ प्राप्त गर्नेछन् ।

प्रतियोगितामा फ्यान अफ दि म्याचले र सुटआउट हिरो ( खेलमैदानको बिचबाट गोल गर्ने दर्शक) ले समान २ हजार ५ सय रुपैयाँ प्राप्त गर्नेछन् । प्रतियोगिताको विजेताले ५ लाख ५ हजार, दोस्रो हुने टोलीले २ लाख ५५ हजार रुपैयाँ प्राप्त गर्नेछन् ।

प्रतियोगितामा सहभागी खेलाडी, अफिसियका साथै २ सय जना दर्शकको समेत सामुहिक बिमा गरिएको आयोजकले जानकारी दिएको । व्यवस्थित खेलमैदान नभएको र बाँसको अस्थाइ प्यारापिटबाट दर्शकले खेल हेर्न पर्ने भएकाले दर्शकको समेत बिमा गरिने आयोजकले जनाएको छ ।

२ हजार ५ सय रुपैयाँ हुनुपर्नेमा अन्यथा भएकोमा सच्चाईएको छ ।

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.