काठमाडौं (हाम्रो खेलकुद) – आईसिसि लिग-२ अन्तर्गत काठमाडौंमा जारी त्रिकोणात्मक सिरिज अन्तर्गतको खेलमा नेदरल्याण्ड्सले नामिबिया विरुद्ध टस जितेर फिल्डिङ रोजेको छ । कप्तान स्कट एडवार्ड्सले टस जितेर पहिले फिल्डिङ रोजेका हुन् ।

खेलको सुरुवात ढिलो हुने भएपछि खेल ४५ ओभरमा घटाइएको छ । बिहिवारका वर्षाका कारण आउटफिल्ड नसुकेका कारण खेल सुरु हुन ढिला भएको हो । 

नेदरल्याण्ड्सले आज पछिल्लो खेलमा नामिबिया विरुद्ध खेलेको प्लेइंग-११ मा एक परिवर्तन गरेको छ । काइल क्लेनको स्थानमा शारिज अहमद टोलीमा आएका छन् ।  

यस्तै नामिबियाले नेपालसँग जित हात पारेको टोलीमा जेपी कोट्जे बाहिरिएका छन् भने मलान क्रुगर टोलीमा आएका छन् । क्रुगरको यो नामिबियाका लागि ओडीआई डेब्यु समेत रहेको छ । 

नामिबियाको टोली : जेरार्ड एरास्मस (कप्तान), जेन ग्रिन (विकेटकिपर), जेजे स्मिट (उपकप्तान), माइकल भान लिंगेन, निकोल लोफ्टि-इटन, जान फ्रिलिंक, रुबेन ट्रम्पलम्यान, निको डाभीन, ज्याक ब्रासेल, बर्नार्ड स्कोल्ज, मलान क्रुगर

बेन्च : जेपी कोट्जे, बेन शिकोंगो, सन फौसी, टांगेनी लुंगामेनी

नेदरल्यान्ड्स टोली : म्याक्स ओ’डाउड, नोआह क्रोस, आर्यन दत्त, स्कट एडवार्डस (कप्तान), माइकल लेभिट, भिभिएन किंग्मा, साइब्रान्ड एंगलब्रेक्ट, बास डे लिड, शारिज अहमद, तेजा निदामनुरु, रोलफ भान डर मर्व

बेन्च : ओलिभर एलेन्बस, विक्रमजित सिंह, वेस्ली बरेसी, काइल क्लेन