default_image

2 months ago

February 26, 2024

मानेभञ्ज्याङ एफसी केपी ओली कपको सेमिफाइनलमा

काठमाडौं (हाम्रो खेलकुद) – चार नेपाली युवा खेलाडी उतारेको आई-लिग टोली दिल्ली एफसीलाई पराजित गर्दै अर्को भारतीय टोली मानेभञ्ज्याङ एफसी केपी ओली कपको सेमिफाइनलमा प्रवेश गरेको छ । एन्फा कम्प्लेक्स सातदोबाटोमा सोमबारको खेलमा मानेभञ्ज्याङले ३-१ को पुनरागमन जित दर्ता हो । सुरुवाती समयमा खेलमा पकड भएपनि खेल अगाडि बढेसँगै पकड गुमाएपछि दिल्ली पराजित भयो । […]

2365 views

0 Bookmark

काठमाडौं (हाम्रो खेलकुद) – चार नेपाली युवा खेलाडी उतारेको आई-लिग टोली दिल्ली एफसीलाई पराजित गर्दै अर्को भारतीय टोली मानेभञ्ज्याङ एफसी केपी ओली कपको सेमिफाइनलमा प्रवेश गरेको छ । एन्फा कम्प्लेक्स सातदोबाटोमा सोमबारको खेलमा मानेभञ्ज्याङले ३-१ को पुनरागमन जित दर्ता हो ।

सुरुवाती समयमा खेलमा पकड भएपनि खेल अगाडि बढेसँगै पकड गुमाएपछि दिल्ली पराजित भयो । नेपाली युवा गोलकिपर जियारत शेखले बिर्सनलायक प्रदर्शन गरे ।

दिल्लीले खेलको २८औं मिनेटमा खेलमा अग्रता लिएको थियो । आर्यन आम्लाले एकल रन बनाएर बक्स बाहिरबाट लिएको प्रहारले जाली चुमेको थियो । तर मानेभञ्ज्याङले पहिलो हाफमा नै दुई गोल गरी अग्रता आफ्नो पक्षमा ल्याएको थियो ।

३५औं मिनेटमा डिफेन्डर जिन एनिसेट एम्बौमीले बक्स बाहिरबाट शक्तिशाली प्रहार गरेर खेल बराबरीमा ल्याएका थिए । शक्तिशाली प्रहारलाई जियारतले बचाउ गर्ने प्रयास समेत गर्न पाएनन् ।

४०औं मिनेटमा शोखरुखले खेलमा मानेभञ्ज्याङलाई अग्रता दिलाए । जियारत बक्स बाहिर बल क्लियर गर्न आएपनि बल शोखरुख उनीभन्दा अघि त्यहाँ पुगेर बल उनको माथिबाट खेले । पोस्टतर्फ गएको सो बललाई उनले हेडर प्रहार गर्दै गोललाइन कटाएका थिए ।

५६औं मिनेटमा मानेभञ्ज्याङका गोलकिपर लालमुआनसंगाले ताकुटो मिकीको प्रहार बचाए । ५९औं मिनेटमा उनले इकोमोबोङ फिलिप्सलाई विफल पारे । ६५औं मिनेटमा शोखरुखको प्रहारमा पोस्ट बाधक बन्यो । ६९औं मिनेटमा शोखरुखकै प्रहार जियारतले बचाएपछि केही क्षणपछि उनको अर्को प्रहार पोस्टको केही टाढाबाट बाहिरियो ।

७५औं मिनेटमा मानेभञ्ज्याङले अर्को गोल थप्यो । सभेलिय अब्रामोभले सानदार फ्रिकिक प्रहार गर्दै अग्रता दुई गोलको बनाएका थिए ।

७९औं मिनेटमा दिल्लीका कुशल देउवाले बक्सबाहिरबाट गरेको प्रहार पोस्टको थोरै टाढाबाट बाहिरिएको थियो ।

मानेभन्ज्याङले सेमिफाइनलमा मछिन्द्र एफसी र नेपाल पुलिस क्लब बीचको विजेता विरुद्ध खेल्नेछ । मंगलबार हुने पहिलो खेलमा आयोजक केपी ओली एफसी र जावलाखेल युथ क्लब भिड्ने छन् । दोस्रो खेलमा मछिन्द्र र पुलिस दिउॅसो ३ बजे खेल्नेछन् ।

प्रतियोगिताका सेमिफाइनल अगाडिका खेलहरु सातदोबाटो स्थित एन्फा कम्प्लेक्समा हुने छन् । सेमिफाइनल र फाइनल दशरथ रंगशालामा हुनेछन् । फाइनल फागुन १९ गते हुनेछ ।

प्रतियोगिताको विजेताले ११ लाख रुपैयाँ र दोस्रो हुने टोलीले ५ लाख रुपैयाँ प्राप्त गर्नेछन् । प्रतियोगिता सर्वोत्कृष्ट खेलाडीले १ लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार रुपैयाँ पाउनेछन् । गत वर्ष केपी ओली कपको पहिलो संस्करणको उपाधि मछिन्द्र क्लबले जितेको थियो ।

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.