default_image

2 months ago

February 27, 2024

साविक विजेता मछिन्द्र केपी ओली कपको सेमिफाइनलमा

काठमाडौं (हाम्रो खेलकुद) – साविक विजेता मछिन्द्र एफसी जारी केपी ओली कपको सेमिफाइनलमा प्रवेश गरेको छ । एन्फा कम्प्लेक्समा भएको खेलमा नेपाल पुलिस क्लब माथि ४-० को फराकिलो जित दर्ता गर्दै सेमिफाइनलमा प्रवेश गरेको छ । मछिन्द्रको जितमा क्रिस्टोफर चिजोबाले दुई तथा स्टेफन बिनोङले एक गोल गरे । एक गोल भने आत्मघाती गोल रहेको थियो […]

1486 views

0 Bookmark

काठमाडौं (हाम्रो खेलकुद) – साविक विजेता मछिन्द्र एफसी जारी केपी ओली कपको सेमिफाइनलमा प्रवेश गरेको छ । एन्फा कम्प्लेक्समा भएको खेलमा नेपाल पुलिस क्लब माथि ४-० को फराकिलो जित दर्ता गर्दै सेमिफाइनलमा प्रवेश गरेको छ ।

मछिन्द्रको जितमा क्रिस्टोफर चिजोबाले दुई तथा स्टेफन बिनोङले एक गोल गरे । एक गोल भने आत्मघाती गोल रहेको थियो ।

सुरुवाती समयदेखि नै मछिन्द्रले खेलमा पकड बनाएको थियो । दोस्रो मिनेटमा नै विमल घर्ती मगरको क्रसमा चिजोबाको हेडर पोस्टतर्फ जान सकेन । सोही मिनेटमा उनको अर्को प्रहार पोस्टको दिशामा गएन ।

पाँचौं मिनेटमा चिजोबाले सनिशको क्रसमा हेडर मार्फत गोल गर्दै अग्रता दिलाए । अर्को मिनेटमा मछिन्द्रले अग्रता दोब्बर बनायो । चिजोबाको पासमा स्टेफन बिनोङको प्रहार पुलिस गोलरक्षक शत्रुघन चौधरीको सिधै गएपनि बल उनले बचाउन नसक्दा गोल हुन पुग्यो ।

११औं मिनेटमा मछिन्द्रले तेस्रो गोल गर्यो । चिजोबाले बक्स भित्रबाट गरेको प्रहार शत्रुघनले बचाउन सकेनन् ।

३८औं मिनेटमा मछिन्द्रले चौथो गोल गर्यो । दशरथ गिरीले क्लियर गर्न खोजेको बल रामचन्द्र वाजीलाई लागेर आत्मघाती गोल भएको थियो । खेलको अन्तिम समयमा मछिन्द्रका ओमोलाजा करिमले रातो कार्ड खाएपछि मछिन्द्र दश जनामा सिमित भएको थियो ।

मछिन्द्रले अब सेमिफाइनलमा भारतीय टोली मानेभञ्ज्याङ एफसी विरुद्ध खेल्ने छ । सो खेल बिहीबार ३ बजे हुने छ । अर्को सेमीफाइनल न्यू रोड टिम र जावलाखेल एफसी बीच हुनेछ । सेमीफाइनल र फाइनल खेल दशरथ रंगशालामा हुनेछ ।

फाइनल फागुन १९ गते हुनेछ । प्रतियोगिताको विजेताले ११ लाख रुपैयाँ र दोस्रो हुने टोलीले ५ लाख रुपैयाँ प्राप्त गर्नेछन् । प्रतियोगिता सर्वोत्कृष्ट खेलाडीले १ लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार रुपैयाँ पाउनेछन् । गत वर्ष केपी ओली कपको पहिलो संस्करणको उपाधि मछिन्द्र क्लबले जितेको थियो ।

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

April 14, 2024

मनोहरा र झम्सिखेलको जित

काठमाडौं (हाम्रो खेलकुद) – सहिद स्मारक ‘सि’ डिभिजन लिगमा आईतवार भएका खेलमा मनोहरा युथ क्लब र झम्सिखेल युथ क्लब विजयी भएका छन् । दिनको पहिलो खेलमा मनोहराले स्पोर्ट्स एकेडेमी साँगा माथि ३-२ को जित हासिल गरेको हो । मनोहराको जितमा उत्तम शाही, विशान्त मगर र आविष्कार खड्काले समान १-१ गोल गरे । साँगाका लागि स्यामुएल […]

April 14, 2024

वर्षको पहिलो उपाधिमा मछिन्द्र र पुलिसको नजर

सुनिल गाउँले, सिमरा जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधिका लागि दुई ए डिभिजन टोली मच्छिन्द्र क्लब र नेपाल पुलिस क्लबले एकअर्काको सामना गर्नेछन् । सिमरा रंगशालाको फ्लड लाइटमा सोमबार राति हुने फाइनल जित्दै दुबै टोली उपाधिका साथ नयाँ वर्ष २०८१ को सुखद सुरुवात गर्न चाहन्छन् । पुलिस आठ वर्षपछि दोस्रो पटक जीतपुरसिमरा […]

Success

Thank you for your time.