default_image

5 months ago

February 29, 2024

फाइनलमा कसले लिन्छ साम्बाको स्थान?

6327 views

0 Bookmark

काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन ।

नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका कारण उपस्थित हुने छैनन् । उनी आज नै फ्रान्स पुग्ने तालिका छ ।

साम्बालाई रेखा पौडेल, अमिषा कार्की र अनिता बस्नेतले साथ दिएका थिए । मिडफिल्डमा प्रिती राईसँग अनिता केसी र दिपा शाहीले २-२ खेलमा सुरुवात गरेका थिए । फाइनलमा भने प्रशिक्षक राजेन्द्र तामाङलाई आक्रमणमा साम्बाको अनुपस्थिति हुँदा खेलाडी छनोट टाउको दुखाइ बन्ने देखिन्छ ।

रश्मीकुमारी घिसिङले सेमिफाइनलमा बेन्चबाट मैदान प्रवेश गर्दै नेपालको पक्षमा खेल ल्याउन महत्त्वपूर्ण प्रदर्शन गरेकी थिइन् । त्यस्तै सविता रानामगरले पनि टोलीको तालेमल फर्काउन राम्रो योगदान दिइन् । फाइनलमा सावित्रा र अनिताको स्थानमा यी दुई पहिलो रोजाइमा आउने सम्भावना बलियो छ ।

सेमिफाइनलमा अनिता बस्नेतको स्थान लिएकी विमला चौधरीले पनि त्यति राम्रो प्रदर्शन गर्न सकिनन् । अनिता सेट पिसमा राम्रो भएपनि खेलमा जम्न नसक्दा तामाङले विमलाको विकल्प रोजेका थिए । विमलाबाट रक्षात्मक रुपमा टोलीले आवश्यक दबाब पाएपनि आक्रमणमा भने उनले खस प्रभाव जमाएकी छैनन् ।

रेखा र रश्मीले आक्रमणमा खेल्दा अमिशा र सविता दुई विंगमा प्रभावकारी विकल्प देखिन्छन् । सविताले आवश्यक पर्दा नम्बर ९ को भूमिका पनि निर्वाह गर्न सक्ने र रश्मी मिडफिल्डमा पनि झर्न सक्ने हुँदा प्रशिक्षक तामाङले यो विकल्प रोज्न सक्छन् ।

यसबाहेक विमल चौधरी र अनिता बस्नेतसँगै चन्द्रा भण्डारी पनि बेन्चबाट विकल्पको रुपमा छिन् । मिडफिल्डमा सरस्वति हमाललाई अवसर दिए प्रिती राई र दिपा शाहीलाई केहि आक्रामक भूमिका दिने योजना पनि तामाङसँग छ । यसो हुँदा अमिशा, रेखा र सविता सम्मिलित ३ खेलाडीको आक्रमण निर्माण हुनेछ । यसमा दिपा शाहीसँग पनि विंग फरवार्ड खेल्ने क्षमता छ ।

जोर्डन नेपालको तुलनामा शारीरिक र प्राविधिक दुवै पक्षमा निपुण देखिन्छ । पाँच पटकको च्याम्पियन जोर्डनविरुद्ध नेपालको डिफेन्सको असली परिक्षा हुनेछ । यससँगै प्रतियोगितामा बिर्सनलायक रहेको नेपालको गोलरक्षणले प्रदर्शन सुधार गर्नुपर्नेछ । विगतको फाइनलमा नेपालले आक्रमणमा गोल निकालेपनि डिफेन्स र गोलरक्षणले दबाब खेप्न नसक्दा हार बेहोरेको उदाहरण छन् । त्यसबाट माथि उठेमात्र नेपालले उपाधिको खडेरी तोड्न सक्नेछ ।

July 16, 2024

मनाङ मर्स्याङ्दी र मछिन्द्रको विजयी सुरुवात

काठमाडौं (हाम्रो खेलकुद) – ललित स्मृति यु-१८ लिगमा मनाङ मर्स्याङ्दी क्लब र मछिन्द्र फुटबल क्लबले विजयी सुरुवात गरेका छन् । मंगलबार भएको दिनको पहिलो खेलमा मनाङ मर्स्याङ्दीले संकटा क्लब विरुद्ध १-० को जित हात पारेको हो । मनाङ मर्स्याङ्दीका लागि विशाल चन्दले ४०औं मिनेटमा एकमात्र गोल गरे । दिनको दोस्रो खेलमा मछिन्द्रले त्रिभुवन आर्मीका क्लबलाई […]

July 16, 2024

एमबाप्पे रियल म्याड्रिड खेलाडीका रुपमा सार्वजनिक

एजेन्सी – फ्रान्सको राष्ट्रिय फुटबल टोलीका कप्तान किलियन एमबाप्पे मंगलबार सान्टियागो बर्नाबाउमा रियल म्याड्रिडका खेलाडीको रुपमा सार्वजनिक भएका छन् । एमबाप्पे २०२३/२४ क्लब सिजनको अन्त्यपछि फ्री ट्रान्सफरमा पेरिस सेन्ट जर्मेन (पिएसजी) बाट रियल गएका हुन् । २५ वर्षीय फरवार्डलाई स्वागत गर्न रियलको रंगशालामा ८० हजारभन्दा बढी समर्थक उपस्थित थिए ।  पिएसजीमा रहँदा एमबाप्पेले ६ पटक […]

July 16, 2024

साउथगेटले इंग्ल्याण्डको मुख्य प्रशिक्षकको जिम्मेवारी छाडे

एजेन्सी – इङ्ल्यान्ड राष्ट्रिय फुटबल टोलीका मुख्य प्रशिक्षक ग्यारेथ साउथगेट जिम्मेवारीबाट अलग भएका छन् । साउथगेटले युरो कप फाइनलको हारपछि मुख्य प्रशिक्षक पदबाट राजीनामा दिएको इङ्ल्यान्ड फुटबल एसोसिएसनले जनाएको हो । जर्मनीमा आइतबार भएको फाइनलमा इङ्ल्यान्ड स्पेनसँग २-१ ले पराजित भएको थियो । यो साउथगेटको प्रशिक्षणमा इङ्ल्यान्डको लगातार दोस्रो युरो कप फाइनल हार थियो । […]

Success

Thank you for your time.