4 months ago
March 15, 2024
काठमाडौं (हाम्रो खेलकुद) – शाह आलममा भएको नेपाल र मलेसिया बीचको अनौपचारिक मैत्रीपूर्ण खेलमा नेपाल घरेलु टोलीमा विरुद्ध पराजित भएको छ । यूनिवर्सिटी टेक्नोलोजी मारा स्टेडियममा भएको खेलमा नेपाल ५-१ ले पराजित भएको हो ।
अभ्यासका लागि खेलाईएको यस खेल ३५ मिनेटको चार वटा भागमा खेलाईएको थियो । पहिलो ३५ मिनेटमा दुई गोल खाएको नेपालले पछिल्लो १०५ मिनेटमा ३ गोल मात्र खान पुग्यो । नेपालका लागि समीर तामाङले खेलको एकमात्र गोल गर्न सफल भए ।
नेपालका प्रशिक्षक भिन्सेन्जो अल्बर्टो अनेसेले सुरुवातमा भने रक्षात्मक टोली उतारेका थिए ।
नेपाली टोली अब फिफा विश्वकप छनोट खेलमा लागि बहराइन प्रस्थान गर्नेछ । घरेलु मैदानमा एक खेल हुनुपर्ने भएतापनि दशरथ रंगशाला अयोग्य भएका कारण दुवै खेल बहराइनमा हुँदैछ । नेपालले पहिलो खेल मार्च २१ मा खेल्ने छ भने दोस्रो खेल मार्च २६ मा खेलिने छ । दुवै खेल बहराइन नेशनल स्टेडियममा हुनेछ ।
नेपाली फुटबल टोली:
गोलकिपर – किरण चेम्जोङ, अभिषेक बराल, विशाल सुनार
डिफेन्डर – अभिषेक लिम्बु, अजय चौधरी, अनन्त तामाङ, छिरिङ लामा, सनिश श्रेष्ठ, सौभाग्य राई (सन्जित), सुमित श्रेष्ठ
मिडफिल्डर – भरत खवास, विशाल बस्नेत, लाकेन लिम्बु, मणिकुमार लामा, मनिष डाँगी, रोहन कार्की, उत्सव राई
फरवार्ड – अन्जन विष्ट, दीनेश हेन्जन, हिसुब थपलिया, समिर तामाङ, सन्जिव विष्ट, जिलेस्पी जंग कार्की
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]