default_image

1 month ago

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

1285 views

0 Bookmark

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् ।

यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को सिजनमा पनि सेमिफाइनलमा पुग्न असफल भएको थियो ।

उपाधि दावेदार तथा साविक विजेता म्यानचेस्टर सिटी र आर्सनल दुवै बुधबार च्याम्पियन्स लिगको क्वाटरफाइनलबाट बाहिरिएका छन् । म्यानचेस्टर सिटी स्पेनिस क्लब रियल म्याड्रिडसँग टाइब्रेकरमा ४–३ ले तथा आर्सनल जर्मन क्लब बायर्न म्युनिखसँग समग्रमा ३–२ ले पराजित भएर बाहिरिए ।

बिहीबार, अपेक्षित रूपमा लिभरपुल र वेस्ट ह्याम युरोपा लिगबाट बाहिरिए । लिभरपुल इटालियन क्लब एटलान्टासँग र वेस्ट ह्याम जर्मन क्लब बायर लेभरकुसेनसँग समान ३–१ ले ले पराजित हुँदै बाहिरिन पुगे । दुवै टोलीले पहिलो लेगमा भोगेको नतिजालाई उल्ट्याउन सकेन ।

युरोपमा बाँकी रहेको इंग्लिस टोली एस्टन भिल्ला मात्रै हो । फ्रेन्च क्लब लिललाई टाइब्रेकरमा ४–३ ले पराजित गर्दै भिल्ला तेस्रो सिजनमा मात्रै चलिरहेको युरोपा कन्फरेन्स लिगको सेमिफाइनलमा पुगेको छ । यो युरोपको क्लबस्तरको तेस्रो श्रेणीको प्रतियोगिता हो ।

२० सिजनमा चौथोपटक प्रिमियर लिगको कुनैपनि टोलीविना फाइनल हुनेछ । पाँच वर्षअघि दुवै फाइनलमा सबै इंग्लिस टोली फाइनलमा भिडेका थिए । लिभरपुलले च्याम्पियन्स लिगको फाइनलमा टोटनह्यामलाई हराएको थियो र चेल्सीले आर्सनललाई हराएर युरोपा लिग जितेको थियो ।

पछिल्ला पाँच युरोपेली च्याम्पियन्स लिगमध्ये तीन सिजन इंग्लिस टोलीले फाइनल खेलेका छन् । चेल्सीले सन् २०२१ मा म्यानचेस्टर सिटीलाई र सिटीले गत सिजन इन्टर मिलानलाई हराएर च्याम्पियन बनेको थियो ।

च्याम्पियन्स लिग र युरोपा लिगको सेमिफाइनलमा पुग्न नसक्नु अचम्मको कुरा हो, किनभने इङ्ल्यान्डका चार टोली क्वाटरफाइनल खेलिरहेका थिए ।

च्याम्पियन्स लिगको सेमिफाइनलमा पेरिस सेन्ट जर्मेन (पिएसजी) ले बोरुसिया डर्टमुन्ड र बायर्न म्युनिखले रियल म्याड्रिडसँग खेल्नेछ । युरोपा लिगमा एटलान्टा र मार्से तथा रोमा र बायर लेभरकुसेनबीच प्रतिस्पर्धा हुनेछ ।

वेम्बलीले च्याम्पियन्स लिगको फाइनल र डब्लिनको अविभा स्टेडियममा युरोपा लिगको फाइनल हुनेछ ।

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.