default_image

2 weeks ago

May 5, 2024

रोनाल्डोको ह्याट्रिकमा अल नासरको सानदार जित

1631 views

0 Bookmark

एजेन्सी – पोर्चुगिज भेट्रान फरवार्ड क्रिस्टियानो रोनाल्डोको ह्याट्रिक मद्दतमा अल नासरले साउदी प्रो लिगमा सानदार जित दर्ता गरेको छ ।

अल नासरले अल वेदामाथि ६–० को फराकिलो जित दर्ता गरेको हो । गाेलकाे वर्षा भएकाे खेलमा रोनाल्डोले ह्याट्रिक पूरा गर्दा ओटाभियो, साडियो माने र मोहमेद अल फाटिलले समान एक गोल थपे ।

अल अवाल पार्कस्थित किङ साउद युनिभर्सिटीमा शनिबार राति भएको खेलको पाँचौ मिनेटमा नै रोनाल्डोले गोल गर्दै अल नासरलाई अग्रता दिलाए । १२औं मिनेटमा रोनाल्डोले व्यक्तिगत दोस्रो गोल गर्दै अग्रता दोब्बर पारे ।

१८औं मिनेटमा ओटाभियोले गोल गरेपछि अल नासरले खेलमा ३–० ले अघि बढ्यो । ४५औं मिनेटमा साडियो मानेको गोलसँगै अल नासरले पहिलो हाफमै ४–० को आरामदायी अग्रता लिन सफल भयो । ५२औं मिनेटमा रोनाल्डोले ह्याट्रिक पूरा गर्दा अल नासरले ५–० को आरामदायी अग्रता लिन सफल भयो ।

पोर्चुगिज कप्तानसमेत रहेका ३९ वर्षीय रोनाल्डोको यो करिअरको ६६औं ह्याट्रिक हो । पछिल्लो सात खेलमा रोनाल्डोको यो तेस्रो ह्याट्रिक हो । यसअघि उनले अभा र अल ताईविरुद्धको खेलमा ह्याट्रिक प्रहार गरेका थिए ।

यससँगै उनको ३१औं लिग गोल तथा समग्रमा यो सिजन ४१औं गोल हो । अल नासरका लागि छैटौं गोल परिवर्तित खेलाडी मोहमेद अल फाटिलले गरे ।

४६औं मिनेटमा एमन अहमेदको स्थानमा मैदान छिरेका फाटिलले ८८औं मिनेटमा गोल गर्दै अल नासरको फराकिलो जित पक्का गरे ।

यस जितसँगै अल नासरको उपाधि जित्ने सम्भावना जीवित रहेको छ । अल नासर अझै ९ अंकले पछि छ । दोस्रो स्थानमा रहेको अल नासरको ३० खेलबाट ७४ अंक पुगेको छ ।

एक खेल कम खेलेको शीर्षस्थानको अल हिलालको ८३ अंक छ । पराजित अल वेदा ३० खेलबाट ३२ अंक जोडेर १२औं स्थानमा छ ।

May 20, 2024

डिबाला बिना अर्जेन्टिनाको टोलीको घोषणा

एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

Success

Thank you for your time.