default_image

2 weeks ago

May 5, 2024

चेल्सीको सानदार जित

553 views

0 Bookmark

एजेन्सी – इंग्लिस प्रिमियर लिगमा आइतबार साँझ चेल्सीले सानदार जित दर्ता गरेको छ । घरेलु मैदान स्ट्यामफर्ड ब्रिजमा भएको खेलमा चेल्सीले वेस्ट ह्याम माथि ५-० को फराकिलो जित निकालेको हो ।

उत्कृष्ट लयमा रहेका कोल पालमरले १५औं मिनेटमा चेल्सीलाई अग्रता दिलाएका थिए । दायाँ फ्लान्कबाट खेलिएको क्रस बक्सको मध्यभागमा पालमरका सामू आएपछि उनले बललाई गोलतर्फ प्रहार गरेका थिए ।

३०औं मिनेटमा कनर ग्यालाघरले अग्रता दोब्बर बनाए । बक्स भित्रबाट उत्कृष्ट भली मार्फत गोल गर्दै उनले आफ्नो टोलीलाई दुई गोलको अग्रता दिलाएका थिए । त्यसको ६ मिनेट पछि चेल्सीले तेस्रो गोल गर्यो । थियागो सिल्भाले कर्नर कीकमा गरेको हेडर नोनी मडुएकेले गोललाईन नजिकै बाट गोलमा परिणत गरेका थिए ।

४८औं मिनेटमा निकोलस ज्याक्सनले चेल्सीको चौथो गोल गरे । मडुएकेले खेलेको पासमा ज्याक्सनले सहजै गोल गरेका थिए । ८०औं मिनेटमा ज्याक्सनले व्यक्तिगत दोस्रो गोल गर्दै खेलमा चेल्सीका लागि पाँचौं गोल गरे ।

जित पछि चेल्सी ३५ खेलमा ५४ अंक सहित सातौं स्थानमा उक्लिएको छ । पराजित वेस्ट ह्याम ३६ खेलमा ४९ अंक सहित नवौं स्थानमा छ । सोही समयमा भएको अर्को खेलमा ब्राईटनले एस्टन भिल्लालाई १-० ले पराजित गर्यो । खेलको एकमात्र गोल जोआओ पेड्रोले गरे । प्रिमियर लिगमा आईतवार आज राति ९:१५ बजे लिभरपुल र टोटेनहम भिड्दै छन् ।

May 20, 2024

डिबाला बिना अर्जेन्टिनाको टोलीको घोषणा

एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

Success

Thank you for your time.