default_image

1 month ago

May 21, 2024

टोनी क्रुसद्वारा सन्न्यासको घोषणा

1451 views

0 Bookmark

एजेन्सी – रियल म्याड्रिड तथा जर्मनीका मिडफिल्डर टोनी क्रुसले सन्न्यासको घोषणा गरेका छन् । आफ्नो इन्स्टाग्राममा एक पोस्ट मार्फत ३४-वर्षीय क्रुसले सन्न्यास लिने घोषणा गरेका हुन् ।

आउँदो जुन-जुलाईमा घरेलु भूमि जर्मनीमा हुने युरो कप उनको खेल करियरको अन्तिम खेलहरु हुने उनले घोषणा गरेका हुन् । रियल म्याड्रिडका अनुबन्धित उनले रियलको लागि एक लिग खेल र च्याम्पियन्स लिग फाइनल खेलमा बाँकी रहेको छ ।

“१० वर्ष पछि यस सिजनको अन्त्यमा रियल म्याड्रिड अध्याय समाप्त हुन्छ”,क्रुसले लेखेका छन् । “मलाई खुल्ला हृदयले स्वागत गर्ने र मलाई विश्वास गर्ने सबैलाई म विशेष धन्यवाद दिन चाहन्छु । मेरो सक्रिय फुटबलरको रूपमा मेरो करियर यो समर युरो च्याम्पियनसिप पछि समाप्त हुनेछ ।”

“अब देखि मेरो मस्तिष्कमा एक मात्र विचार छ: १५औं च्याम्पियन्स लिग उपाधि”, उनले थपे ।

२००७ मा बायर्न म्युनिखबाट सिनियर करियर सुरुवात गरेका उनले बायर्नका लागि ३ बुन्डेसलिगा, ४ जर्मन कप, १ जर्मन सुपर कप, १ च्याम्पियन्स लिग, १ युरोपेली सुपर कप र १ क्लब विश्वकप उपाधि जितेका थिए ।

त्यसपश्चात २०१४ मा जर्मनीबाट विश्वकप जितेका उनी सोही वर्ष रियल म्याड्रिड पुगेका थिए । रियलका लागि उनले ४ लिग उपाधि, १ स्पेनिश कप, ४ स्पेनिश सुपर कप, ४ युरोपेली च्याम्पियन्स लिग, ३ युरोपेली सुपर कप र ५ क्लब विश्वकप उपाधि जितेका छन् ।

२०२० को युरो कप पश्चात अन्तराष्टिय करियरबाट सन्न्यासको घोषणा गरेका क्रुसले यस वर्षको फेब्रुअरीमा पुनः जर्मनीका लागि खेल्ने बताउँदै मार्चमा फ्रान्स विरुद्ध अन्तराष्ट्रिय फुटबलमा फर्किएका थिए ।

क्रुस फुटबल इतिहासको सर्वोत्कृष्ट मध्यको एक मिडफिल्डरको रूपमा चिनिने छन् ।

June 23, 2024

चितवन जिल्ला लिग यसै साता सुरु हुने

सुशिल पन्त क्षेत्री, चितवनसेन्ट्रल कलेज चितवन जिल्ला ए डिभिजन लिग फुटबल यसै साता सुरु हुने भएको छ। आयोजक चितवन जिल्ला फुटबल संघले असार १४ गते सुरु हुने लिगमा  सहभागी १३ टोलीलाई‌ दुई समूह विभाजन गरेको  छ । सेन्ट्रल टावरमा आज (आइतबार) एक कार्यक्रमकाबीच भएको  विभाजनको समूह ए मा साविक विजेता हनामी भरतपुर फुटबल क्लब (बिएफसी) […]

June 22, 2024

पोर्चुगल युरोको अन्तिम १६ मा

एजेन्सी – लगातार दोस्रो जित दर्ता गर्दै पोर्चुगल युरो कप २०२४ को अन्तिम १६ मा प्रवेश गरेको छ । दोस्रो जित दर्ता गर्ने क्रममा पोर्चुगलले टर्कीलाई ३-० ले सहजै पराजित गरेको हो । पोर्चुगलका लागि बर्नार्डो सिल्भा र ब्रुनो फर्नान्डेजले १-१ गोल गरे भने १ गोल आत्मघाती गोल रहेको थियो । २१औं मिनेटमा बर्नार्डो सिल्भाले […]

June 22, 2024

जर्जिया र चेकियाको बराबरी 

काठमाडौँ (हाम्रोखेलकुद) – यूरो कप २०२४ अन्तर्गत शनिवार सम्पन्न पहिलो खेलमा जर्जिया र चेकियाले बराबरी खेलेका छन् । जर्मनीको ह्यामबर्गमा भएको खेल १-१ को बराबरीमा सकिएको हो । पहिलो हाफको अन्त्यतिर जर्जियाले खेलमा पेनाल्टीमार्फत अग्रता लिएको थियो । रोबिन ह्रनाचले बक्स भित्र ह्याण्डबल गरेपछि पाएको पेनाल्टीमा जर्जेस मिकाउताड्जेले कुनै गल्ती गरेनन् ।   खेलको ५९औ मिनेटमा […]

Success

Thank you for your time.