default_image

2 weeks ago

June 7, 2024

साम्बा कृषि विकास बैंकको ब्रान्ड एम्बेसडर

1245 views

0 Bookmark

काठमाडौं (हाम्रो खेलकुद) – नेपाली महिला फुटबल टोलीकी स्टार फरवार्ड सावित्रा भण्डारी (साम्बा) कृषि विकास बैंक लिमिटेडको ब्रान्ड एम्बेसडर नियुक्त भएकी छिन् । साम्बासँगको सम्झौता काठमाडौंमा शुक्रवार एक कार्यक्रमका बीच घोषणा भएको हो ।

बैंकले शुक्रबार काठमाडौंमा साम्बा सँग सम्झौता हस्ताक्षर समारोहको आयोजना गरेको थियो । सम्झौता पत्रमा बैंकका मार्केटिङ एण्ड सेल्स डिपार्टमेन्टका उप-महाप्रबन्धक यज्ञ प्रसाद न्यौपाने र र साम्बाले हस्ताक्षर गरेका थिए । साम्बा र बैंक बीचको सम्झौता १ वर्षका लागि रहेको छ ।

ब्रान्ड एम्बेसडर नियुक्त भएसँगै कार्यक्रममा बोल्दै साम्बाले आफूले फुटबल खेल्न सुरु गरेको समय याद गरिन् । साम्बाले लमजुङको सिम्पानी गाउँबाट खेलकुदमा महिलाप्रतिको सामाजिक दृष्टिकोणलाई उछिन्दै सुरु भएको यात्राको पनि स्मरण गरिन् ।

“यस बैंकको ब्रान्ड एम्बेसडर हुँदै गर्दा मा विगतका दिनहरू सम्झिन चाहन्छु” साम्बाले भनिन् । “महिला भएर जन्मिँदा र खेलकुदमा लाग्दै गर्दा समाजको नजरले गर्दा मलाई फुटबलमा लाग्ने नशा चढ्न थालेको थियो । त्यो समयमा फुटबल खेल्न पर्याप्त किट हुन्थेन । सो समयमा मोजाको बल सहित खेल्थे, अभावको बीच करियर सुरु गरेकी थिएँ ।”

“समाजबाट निकै नकारात्मक टिप्पणीहरु आउँथ्यो, तर मैले सानै उमेरदेखि आलोचना खेप्न सिकें”, साम्बाले थपिन् । यस्तै साम्बाले आफ्नो करियर सुरुवात गर्न मद्दत पुर्याएका रेफ्री शुक्र तामाङलाई समेत सम्झिएकी थिइन् । एपिएफ क्लबमा आफ्नो करियर सुरुवात गरेदेखि आफूले पछाडि फर्किएर नहेरेको समेत जिकिर गरिन् ।

साम्बाले कार्यक्रम मार्फत अन्य कर्पोरेट हाउसहरुलाई पनि अन्य खेलाडीहरुलाई पनि उत्प्रेरित गराउनका लागि यस्तै कार्यहरु गर्न अपिल समेत गरिन् ।

कार्यक्रममा कृषि विकास बैंकका प्रवन्ध निदेशक गोविन्द गुरुङ सहित एन्फा अध्यक्ष पंकज विक्रम नेम्वाङको पनि उपस्थिति रहेको थियो । गुरुङले बैंकको विश्वास आम जनतामाझ पुर्याउन ठूलो भूमिका खेल्ने कुरा व्यक्त गरे । यस्तै गुरुङले साम्बाले आफ्नो करियरमा गरेको यात्रामा जोड दिँदै त्यो स्तरमा पुग्न सजिलो नभएको बताए ।

एन्फा अध्यक्ष नेम्वाङले याे सम्झाैताले महिला फुटबलकाे विकासमा टेवा पुग्ने विश्वास व्यक्त गरे । सबै व्यवसायिक घरानाले महिला फुटबललाई साथ दिए नेपाली फुटबलले अझ उचाई लिने व्यहोरा समेत उनले व्यक्त गरे ।

साम्बा हाल फ्रेन्च शीर्ष डिभिजन टोली एन अभान्ट ग्वेंगाम्पमा आवद्ध रहेकी छन् । नेपाली महिला लिग हुँदै भारतीय शीर्ष डिभिजन खेलेकी साम्बा इजरायलको लिग हुँदै युरोपको शीर्ष मध्य एक फ्रेन्च शीर्ष डिभिजन पुग्न सफल भएकी हुन् । साम्बा नेपाली राष्ट्रिय टोलीकी शीर्ष गोलकर्ता समेत हुन् ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.