4 months ago
June 14, 2024
एजेन्सी – युइएफए युरो २०२४ आजदेखि जर्मनीमा सुरु हुँदैछ । आयोजक र तीन पटकको च्याम्पियन जर्मनीले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ ।
म्युनिख फुटबल एरिनामा समूह ए अन्तर्गतको सो खेल शनिबार नेपाली समय अनुसार दिउँसो १२:४५ बजे सुरु हुनेछ ।
२४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई १४ मा बर्लिनको ओलम्पिक स्टेडियममा हुनेछ ।
घरेलु टोलीबाट खेल्न सन्यास लिएर पुनः फर्किएका अनुभवी मिडफिल्डर टोनी क्रुसको पुनरागमनसँगै युरोमा जर्मनीको उपाधि सम्भावना बलियो हुनेछ ।
डिफेन्डिङ च्याम्पियन इटाली, तीन पटकको विजेता स्पेन र २०१८ फिफा विश्वकपको फाइनलमा पुग्ने क्रोएसियासँगै कठिन समूह बी मा छन्।
सर्वाधिक अन्तर्राष्ट्रिय गोलकर्ता क्रिष्टियानो रोनाल्डो लगातार छैटौं पटक पोर्चुगल फुटबल टोलीको साथमा रहेका छन् । रोनाल्डो २५ खेलमा १४ गोलका साथ युरोमा समग्र स्कोरिङ चार्टमा शीर्ष स्थानमा छन् । रोनाल्डो २०२० संस्करणमा सर्वाधिक गोलकर्ता थिए र २०१६ मा पोर्चुगललाई उपाधि दिलाउन महत्वपूर्ण भूमिका खेलेका थिए ।
दुई पटकको च्याम्पियन र २०२२ फिफा विश्वकपको फाइनलमा पुगेको फ्रान्स समूह डी बाट उपाधिका लागि अग्रपंक्तिमा रहेको छ ।
युरो कप डिस होमले प्रत्यक्ष प्रसारण गर्नेछ। प्रत्यक्ष प्रसारण प्रिमियर एचडी क्वालिटीमा हुने डिस होमले जनाएको छ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]