4 months ago
June 24, 2024
एजेन्सी – निकलस फुलक्रगले इन्ज्युरी समयको दोस्रो मिनेटमा गोल गरेपछि युरो कप आयोजक जर्मनीले आफ्नो समूहको विजेता बनेको छ।
स्विट्जरल्याण्डसँग आइतबार १–१ को बराबरी खेल्दै जर्मनी समूह ए विजेता बनेको हो । लगातार दुई खेल जित्दै यसअघि नै नकआउट चरणमा पुगिसकेको जर्मनीलाई समूह विजेता बन्न बराबरी नै पर्याप्त थियो ।
डान एनडोएले २८ औं मिनेटमा गोल गर्दै स्विट्जरल्याण्डलाई अग्रता दिलाएका थिए । तर टोलीले अन्तिम समयमा अग्रता गुमाएको थियो। जर्मनीका लागि फुलक्रगले इन्जुरी टाइमको दोस्रो मिनेटमा बराबरी गोल गरेका हुन् ।
बराबरीपछि जर्मनीको ३ खेलबाट ७ अंक पुगेको छ । स्विट्जरल्याण्ड ३ खेलबाट ५ अंक जोडेर समूह उपविजेताका रुपमा प्रि क्वाटरफाइनलमा पुगेको छ । हंगेरीलाई हराउँदै युरो कपको सुरुवात गरेको स्विट्जरल्याण्डले अर्को खेलमा स्कटल्याण्डसँग बराबरी खेलेको थियो ।
सोही समूहको अर्को खेलमा हंगेरीले स्कटल्याण्डलाई १–० ले हरायो । हंगेरीको त्यो पहिलो जित हो । यसअघि दुवै खेल हारेको हंगेरीलाई जित दिलाउन केभिन कोबोथले इन्ज्युरी समयको दसौं मिनेटमा गोल गरेका थिए ।
हंगेरी ३ खेलबाट ३ अंक जोड्दै समूह ए को तेस्रो स्थानमा छ । समूहको तेस्रो हुनेमध्येबाट ४ टोलीमा पर्दै नकआउट चरणमा पुग्ने हंगेरीको सम्भावना बाँकी छ । त्यसका लागि अन्य समूहको खेलको नतिजा पर्खनुपर्नेछ ।
स्कटल्याण्ड जितविहीन हुँदै समूह चरणबाट बाहिरिएको छ । पहिलो खेलमा जर्मनीसँग पराजित भएको स्कटल्याण्डले अर्को खेलमा स्विट्जरल्याण्डसँग बराबरी खेलेको थियो । ३ खेलबाट १ अंक मात्र जोडेको स्कटल्याण्ड युरो कपबाट बाहिरिने पहिलो टोली हो।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]