default_image

3 weeks ago

July 4, 2024

मेस्सीले कोपा अमेरिका क्वाटरफाइनल खेल्नेमा शंका

3525 views

0 Bookmark

एजेन्सी – अर्जेन्टिनाका स्टार फरवार्ड तथा कप्तान लियोनेल मेस्सीले अमेरिकामा जारी कोपा अमेरिका २०२४को क्वाटरफाइनल खेल खेल्ने / नखेल्ने शंका रहेको छ । चोटका कारण मेस्सीले इक्वेडोर विरुद्धको क्वाटरफाइनल खेल्ने निश्चित नरहेको विभिन्न अन्तर्राष्ट्रिय सञ्चार माध्यमले जनाएका छन् ।

अर्जेन्टिना र इक्वेडोर बीचको क्वाटरफाइनल खेल शुक्रवार बिहान हुँदैछ । मेस्सीले गत साता चिली विरुद्धको समूह चरणको दोस्रो खेलमा पुरानो चोट बल्झिएको बताइएको छ । सोही चोटका कारण उनलाई समूह चरणको अन्तिम खेलमा सहभागी गराइएको थिएन । उनी खेल अवधिभर बेन्चमा नै आसिन थिए ।

खेलको पूर्व सन्ध्यामा बोल्दै अर्जेन्टिनी प्रशिक्षक लियोनेल स्कालोनीले मेस्सीको सहभागिताको निर्णय अन्तिम समयमा लिने बताएका थिए ।

“मेस्सीको बारेमा निर्णय गर्नुअघि हामी पर्खने छौं । यदि लियो नभएको खण्डमा लौटारो र जुलियनलाई सँगै सुरु गर्ने विकल्प हो” उनले भने । “हामी उसलाई खेलाउने प्रयास गर्नेछौं । अन्तिम क्षणसम्म पर्खनु र उसलाई आफ्नो समय लिन दिनु उचित हुन्छ ।”

यसका साथै स्कालोनीले खेलका लागि आफ्नो तयारीबारे मेस्सीसँग परामर्श गर्ने बताए । “हामी उसलाई सुरुवात बाटै खेलाउने प्रयास गर्नेछौं र त्यसपछि, यदि उनी (तयार) छैनन् भने, हामी टोलीको लागि उत्तम समाधान खोज्नेछौं ।”

पछिल्लो समयमा भने अर्जेन्टिनी सञ्चार माध्यमहरुले मेस्सीले सुरुवात बाट नै खेल्ने खबर सम्प्रेषण गरेका छन् ।

अर्जेन्टिनाले समूह चरणमा सबै खेल जित्दै क्वाटरफाइनलको यात्रा तय गरेको थियो । अर्जेन्टिना र इक्वेडोर बीचको खेलको विजेताले भेनेजुएला र क्यानडा बीचको विजेता विरुद्ध सेमिफाइनलमा खेल्नेछ ।

अन्य दुई क्वाटरफाइनलमा कोलम्बिया र ब्राजिल भिड्दा उरुग्वे र पानामा आमने-सामने हुनेछन्।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.