default_image

2 weeks ago

July 9, 2024

चितवन जिल्ला लिगमा माडीको जित

302 views

0 Bookmark

सुशिल पन्त क्षेत्री,चितवन

सेन्ट्रल कलेज चितवन जिल्ला ए डिभिजन लिगमा माडी ११ फुटबल क्लबले जित हासिल गरेको छ ।

लिगमा मंगलबार भएको पहिलो खेलमा यात्रा ग्रुप भरतपुरलाई ३-० ले हराउँदै माडीले ३ अंंक जोडेको हो । अर्को खेल भने बराबरीमा टुंगिएको छ । माडीको जितमा सन्देश महतोले २ तथा आशिष भुजेलले १ गोल गरे ।

खेलको चौथो मिनेटमा नै आशिषले गोल गर्दै माडीलाई अग्रता दिलाएका थिए । १७ औं मिनेटमा सन्देशले गोल गर्दै माडीको अग्रता दोब्बर बनाए । ३८ औं मिनेटमा सन्देशले व्यक्तिगत दोस्रो गोल गरेपछि माडी ३-० ले विजयी भयो । सन्देश नै प्लेयर अफ दि म्याच भए ।

अर्को खेलमा रामपुर फुटबल क्लब रड्स र नारायणगढ फुटबल क्लब (एनएफसी) ले अंंक बाँँडेका छन् । खेलमा २-२ को बराबरी भएको थियो ।

रामपुरका लागि अश्विन पाख्रीन र चित्रबहादुर कुमालले गोल गरे । एनएफसीका प्रवेश गुरुङ र सुगम तामाङले गोल गरे । खेलको नवौं मिनेटमा अश्विनको गोलमा रामपुरले अग्रता लियो । ४० औं मिनेटमा प्रवेशले एनएफसीका लागि बराबरी गोल फर्काए ।

४८ औं मिनेटमा सुगमले गोल गरेपछि एनएफसीले अग्रता लियो । ६२ औं मिनेटमा चित्रको गोलमा रामपुरलर बराबरी गोल गरेका थिए। रामपुरले रामपुरका अश्विन प्लेयर अफ दि म्याच भए ।

आजको खेलसँँगै लिगमा दोस्रो चरणका खेलहरु सम्पन्न भएका छन् । बुधबारबाट तेस्रो चरण सुरु हुनेछ । तेस्रो चरणको पहिलो खेल बुधबार २:३० बजे पानस युवा क्लब र आई स्टडी गीतानगर ब्वाइजबीच हुनेछ ।

बुधबार नै दिउँसो ४:३० बजे दोस्रो खेलमा सौराहा युवा समान र नारायणी फुटबल क्लबबीच प्रतिस्पर्धा हुनेछ । चितवन जिल्ला फुटबल संघको आयोजनामा जारी प्रतियोगितालाई‌ सेन्ट्रल कलेज अफ भोकेसनल ट्रेनिङ प्रालिले मुख्य प्रायोजन गरेको छ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.