काठमाडौं (हाम्रो खेलकुद) – एन्फा महिला लिग फुटबलमा बुधवार कोशी प्रदेशलाई हराउँदै विभागीय टोली नेपाल पुलिस क्लब शीर्ष स्थानमा उक्लिएको छ ।

पुलिसले कोशीलाई सँग ४-० ले पराजित भयो । पुलिसको चौथो खेलमा यो तेस्रो जित हो । समान खेलमा कोशीको यो पहिलो हार हो ।

एन्फा कम्प्लेक्स सातदोबाटोमा भएको दिनको पहिलो खेलमा पुलिसलाई जित दिलाउन निर्मला उपाध्याय, अनुष्का शेर्पा, सम्झना लावती र अमृता जैसीले १ गोल गरे ।

अनुष्काले २४औं मिनेटमा गोल गर्दै पुलिसलाई अगाडि बढाइन् । निर्मलाले ४६औं मिनेटमा गोल गर्दै अग्रता दोब्बरको बनाईन् ।

खेलको ७९औं मिनेटमा सम्झना तथा ८८औं मिनेटमा अमृताले गोल गर्दै पुलिसको अपराजित यात्रा कायमै राखिन् । योसँगै कोशीको विजयी यात्रा टुंगिएको छ।

जितपछि ४ खेलमा १० अंकका साथ पुलिस शीर्ष स्थानमा उक्लिएको छ । समान खेलबाट कोशी ९ अंकसहित दोश्रो स्थानमा छ ।

आज नै हुने दोस्रो खेलमा कर्णाली प्रदेश र संकटा क्लबबीच प्रतिस्पर्धा हुनेछ । एन्फा कम्प्लेक्समा हुने खेल दिउँसो ३ः३० बजे सुरु हुनेछ ।

संकटा र कर्णाली ३ खेलमा १ बराबरी २ हारका साथ अंक तालिकाको आठौं र नवौं स्थानमा छन् । दुवै टोली पहिलो जितको लक्ष्यका उत्रनेछन्।

अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ ।