काठमाडौं(हाम्रो खेलकुद) – एन्फा महिला लिगमा शनिवार कोशी प्रदेश र संकटा क्लब गोल रहित बराबरीमा रोकिएका छन् ।

दशरथ रंगशालामा भएको दिनको दोस्रो खेलमा संकटा र कोशीले दुवै टोलीले केही राम्रो प्रयास गरे पनि गोल भगर्न सकेनन् ।

बराबरीपछि ५ खेलमा १० अंक जोड्दै कोशी तेस्रो स्थानमा उक्लिएको छ । संकटा भने समान ५ खेलमा ५ अंकका साथ सातौं स्थानमा कायमै छ ।

पुलिस र आर्मीले बराबरी खेले

त्यसअघि पहिलो खेलमा नेपाल पुलिस क्लब ले अर्को विभागीय टोली त्रिभुवन आर्मी फुटबल क्लबसॅंग १-१ को बराबरी खेलेको थियो । पुलिसका लागि अमृता जैशी र आर्मीका लागि अमिशा कार्कीले गोल गरिन् ।

अमृताले ४८औं मिनेटमा गोल गर्दै पुलिसलाई अग्रता दिलाएकी थिइन् । ६३ औं मिनेटमा आर्मीकी अमिशाले बराबरी गोल फर्काइन् । पुलिसले‌ जारी लिगमा सामना गरेको त्यो पहिलो गोल थियो।

पुलिस, आर्मी र अर्को विभागिय टोली एपिएफ फुटबल
पुलिस सँग गोलरहित बराबरी खेलेको एपिएफले आर्मीलाई हराएको थियो। ३ टोलीले एकअर्काको सामना गर्दा समान २ खेलमा एपिएफले ४, पुलिसले २ र आर्मीले १ अंक जोड्यो।

बराबरी पछि पनि पुलिसले लिगमा अग्रता कायमै राखेको छ । पुलिसको ५ खेलबाट ११ अंक भएको छ । बराबरी पछि आर्मीले ५ खेलमा १० अंक बनाएको जोडेको‌ छ ।

अखिल नेपाल फुटबल संघ (एन्फा) को आयोजना सुरु भएको लिगमा १० टोलीको सहभागिता रहेको छ। पहिलो चरणमा सबै टोलीले एकअर्काको सामना गर्नेछ ।