धरान (हाम्रो खेलकुद) — १९ औं बुढासुब्बा रेडबुल गोल्डकप फुटबल प्रतियोगितामा आइतबार आयोजक धरान फुटबल क्लब निलो र पोखरा फुटबल क्लबबीच दोस्रो क्वार्टरफाइनल हुँदैछ ।

धरान १७ स्थिन एन्फा टेक्निकल सेन्टरमा हुने खेलमा आयोजकको निलोलाई सिनियर टोली भएको बताइएको छ । अघिल्लो दिन काँकरभिट्टा फुटबल ट्रेनिङ सेन्टरलाई टाइब्रेकरमा हराउँदै उदयपुर गोल्डकप च्याम्पियन रुपन्देही ११ सेमिफाइनलमा पुगेको थियो ।

धरानको पहलो टोली भने यसअघि नै प्रतियोगिताबाट बाहिरिएको थियो । बुढासुब्बामा रुस्लान सिमरा गोल्डकपको विजेता सिएमजी क्लब संकटा र नेपाल पुलिस क्लब पहिलो चरण पार गर्दै क्वार्टरफाइनलमा पुगेका थिए । प्रतियोगिताको विजेताले उपाधि सहित ५ लाख र दोस्रो हुने टोलीले २ लाख ५० हजार रुपैयाँ प्राप्त गर्नेछ ।

झन्डै ५५ लाख रुपैयाँ खर्च हुने अनुमान गरिएको प्रतियोगिताको सर्वोत्कृष्ट खेलाडीले यामाहा मोटरसाइकल र उच्च गोलकर्ताले २५ हजार रुपैयाँ पाउने क्लबले जनाएको छ । उत्कृष्ट गोलकिपर, उत्कृष्ट डिफेन्स, उत्कृष्ट स्ट्राइकर, उत्कृष्ट मिडफिल्डर र उत्कृष्ट प्रशिक्षक तथा हरेक खेलको म्यान अफ दी म्याचले ५ हजार रुपैयाँ पाउनेछन् ।