काठमाडौं (हाम्रो खेलकुद)- एपिएफ फुटबल क्लबले एन्फा महिला लिगको अन्तिम चरणमा लगातार चौथौ जित निकालेको छ।

विभागीय डर्बीमा एपिएफले शनिवार त्रिभुवन आर्मी क्लबलाई ३-१ ले पराजित गर्यो। एन्फा कम्प्लेक्समा भएको खेलमा एपिएफको जितमा निशा थोकर, अनिता बस्नेत र प्रिती राईले समान १ गोल गरे।

विभागीय टोली बिचको खेलको पहिलो हाफमा दुवै टोलीबाट गोल भएन । दोस्रो हाफ भने रोमाञ्चक बन्यो। ६० औं मिनेटमा अनिताको फ्रि-किकमा निशा थोकरको हेडरले सही दिशा लियो।

तर यो अग्रता ६९ औं मिनेटमा नै तोडियो। विमला चौधरीको कर्नरमा क्लियर हुन नसकेको बलमा विमला थापाले गोल गरिन्।

८५ औ मिनेटमा अनिताको असिस्टेन्टमा प्रितीले आकर्षक गोल गरिन्। । त्यसपछि इन्ज्युरी समयमा अनिता बस्नेतको फ्री किक प्रहार आर्मीको वालमा डिफलेक्ट हुँदै होलमा परिणत भयो। यसअघि दोस्रो चरणमा एपिएफले आर्मीलाई २-१ ले हराएको थियो।

यो जितमा १२ अंक बनाएको एपिएफ शीर्षस्थानमा थप मजबुत भएको क छ। अपराजित यात्रालाई कायमै राख्न पनि एपिएफ सफल रहयो। एपिएफले नेपाल पुलिस क्लबलाई ६-०, वालिङ नगरपालिकालाई ९-० र बागमती युथ क्लबलाई ५-१ ले हराएको थियो।

आर्मीको यो पहिलो हार हो। उसले ४ खेलबाट ७ अंक बनाएको छ। आर्मीे वालिङ र वागमतीलाई हराउँदा पुलिससँग बराबरीमा रोकिएको थियो।

आर्मीविरुद्धकल खेलमा एपिएफकी गोलकिपर सावित्री किसन घाइते भएकी छिन्। उनलाई उपचारका लागि अस्पताल लगिएको छ।

–इन्ज्युरी समयमा अनिताको गोल हुनुपर्नेमा अन्यथा भएकोले सच्याइएको छ।