एजेन्सी – रियल म्याड्रिडका फरवार्ड किलियन एम्बाप्पे ग्यास्ट्रोएन्टेराइटिसको उपचारपछि अस्पतालबाट डिस्चार्ज भएका छन्।

ज्वरोका कारण २६ वर्षीय फ्रान्सेली टोलीका कप्तान एम्बाप्पले मंगलवार प्रशिक्षण छुटाएका थिए । बुधवार मियामीमा भएको अल-हिलालविरुद्धको १-१ को फिफा क्लब विश्व कपको बराबरी खेल उनले खेलेनन्।

रियलले एम्बाप्पेलाई ग्यास्ट्रोएन्टेराइटिसको कारण अस्पतालमा भर्ना गरेको बिहीवार जनाएको थियो । तर त्यसको केही घण्टापछि उनलाई डिस्चार्ज गरिएको बताएको छ।

ग्यास्ट्रोएन्टेराइटिस आन्द्रामा हुने एक प्रकारको संक्रमण हो जसले बान्ता र पखाला निम्त्याउन सक्छ। उनी पाम बीचमा रहेको रियलको प्रशिक्षण कम्प्लेक्समा फर्किएका छन्। ‘एम्बाप्पेले चिकित्सा उपचार जारी राख्नेछन् र क्रमशः टोलीको गतिविधिमा फर्किनेछन्,’ रियलले विज्ञप्तिमार्फत भनेको छ।

रियलको अर्को खेल आइतवार बिएसटीमा पाचुकाविरुद्ध खेल्लेछ छ। यदि एम्बाप्पे पाचुकाविरुद्ध खेल्न समयमै निको भएनन् भने, उनी २६ जुनमा साल्जबर्गविरुद्धको समूहको अन्तिम खेलमा फर्किन सक्छन्।

एम्बाप्पेले पेरिस सेन्ट-जर्मेनबाट फ्रि ट्रान्सफरमा रियल गएको पहिलो सिजनमा सबै प्रतियोगितामा ५६ खेलमा ४३ गोल गरेका थिए।

रियलको जाबी अलोन्सोको नेतृत्वमा पहिलो प्रतियोगिताका रुपमा क्लब विश्वकप खेलिरहेको छ। रियलका पूर्व स्टार अलोन्सोले ला लिगा सिजनको अन्त्यमा कार्लो एन्सेलोटीलाई प्रतिस्थापन गरेका थिए।

रियलले एम्बाप्पेको पहिलो सिजनमा स्पेनिस फुटबलमा युइएफए सुपर कप र फिफा इन्टरकन्टिनेन्टल कप जितेको थियो।