काठमाडौं (हाम्रो खेलकुद)- एएफसी महिला एसियन कप छनपटको पहिलो हाफमा नेपाल लाओस विरुद्ध २-० को लिएको छ।

नेपालको लागि अनिता बस्नेत र सावित्रा भण्डारी ‘साम्बा’ले गोल गरिन् । उज्वेकिस्तानमा जारी खेलमा नेपालले खेलको सुरुवातमा नै अग्रता बनायो।

१२औं मिनेटमा अनिताले गोल गरिन्। सविता राना मगरको क्रसमा साम्बाको हेडरपछि अनिताको लेफ्ट फुटेट सटले जाली चुम्यो।

एकपक्षीय खेलको ४४ औं मिनेटमा नेपालले अग्रता दुगुना गर्यो। अनिताको सटिक क्रसमा साम्बाको हेडरले सही दिशा लियो। ५९ औं खेलमा साम्बाको यो ५८ औं गोल हो।

यो खेलमा साम्बाले कप्तानको जिम्मेवारी निभाएकी छिन्। प्लेइङ इलेभेनमा आज प्रशिक्षक प्याट्रिकले व्यापक परिवर्तन गरेका छन्।

प्लेइङ ११ मा देखिरहने आधा दर्जन खेलाडी आज बेन्चमा छन्। नियमित कप्तान तथा गोलकिपर एन्जिला तुम्बाप्पो सुब्बा स्थानमा अन्जना राना मगर ले सुरुवाती ११ स्थान बनाइन्।

नेपाली टोलीमा विदेशी लिग खेल्ने ४ खेलाडी मध्ये एन्जिला, रेखा पौडेल र पूजा राना प्लेइङ ११ मा परेनन्। स्टार खेलाडी प्रीति राईसँगै विमला बिक पनि पहिलो हाफमा बेन्चमा नै रहे।

नवनियुक्त प्रशिक्षक प्याट्रिकले तुलनात्मक रूपमा केहि कमजोर प्रतिद्वन्द्वीको कारण टिममा ब्यापक परिवर्तन गरेका हुन सक्छन्।

अथवा यो उनको रणनीति पनि हुन सक्छ। नेपाल वरियतामा एक सयौं र लाओस एक सय सातौं स्थानमा छ। समूह ‘एफ’ मा उज्वेकिस्तान र श्रीलंका पनि छन्।