स्पेन शत प्रतिशत जितसहित क्वाटरफाइनलमा

एजेन्सी – स्पेन शत प्रतिशत जितका साथ युइएफए महिला युरो २०२५ को क्वाटरफाइनलमा प्रवेश गरेको छ।

एस्टर गोन्जालेजले जारी युरोपमा आफ्नो चौथो गोल गरेपछि स्पेनले इटालीलाई ३- १ ले पराजित गरेको हो ।
हार व्यहोरे पनि इटाली समूह ‘बी’ को दोस्रो स्थानमा रहँदै क्वाटरफाइनल पुगेको छ । शुक्रवारको अर्को खेलमा बेल्जियमसँग पराजित भएका पोर्चुगल प्रतियोगिताबाट बाहिरिएको छ ।

खेलमा अग्रता इटालीले लिएको थियो। एलिसाबेटा ओलिभिएरोले १० औं मिनेटमा शक्तिशाली प्रहार मार्फत पहिलो गोल गरिन्।

तर त्यो अग्रता मात्र ४ मिनेटमै समाप्त भयो। अलेक्सिया पुटेलासले ब्याकहिल पामा डेल कास्टिलोले बराबरी गोल गरिन्।
इटालीले पहिलो हाफको अन्त्यमा अग्रता लिन सक्ने मौका पाए पनि त्यसलाई खेर फाल्यो। दोस्रो हाफ सुरु भएको चार मिनेटमै प्याट्री गुइखारोले गोल गर्दै स्पेनलाई अग्रता दिलाइन्।

इन्ज्युरी समयको पहिलो मिनेटमा पुटेलासको अर्को असिस्टमा गोन्जालेजले नजिकबाट गोल गर्दै स्पेनको जित पक्का गरिन् । क्वाटरफाइनलमा स्पेनले आयोजक स्विट्जरल्यान्डको तथा इटालीले नर्वेसँग खेल्नेछ।