माले (एजेन्सी)– गत साता बंगलादेशमा शेख कमल अन्तराष्ट्रिय क्लब कपको उपाधि जितेको नेपाली राष्ट्रिय फुटबल टोलीका गोलकिपर किरण चेम्जोङको टोली टिसी स्पोर्टसले माल्दिभियन प्रिमियर लिगमा विजयी सुरुआत गरेको छ । गत बर्ष दोस्रो स्थानमा लिगको अन्त्य गरेको टिसी स्पोर्टसले शुक्रबारको आफ्नो पहिलो खेलमा गत बर्ष रेलिगेसनबाट मुस्किलले जोगिएको भ्यालेन्सियालाई ३–० ले हराएको थियो ।
मालेस्थित रश्मी धन्डु रंगशालामा भएको खेलमा टिसी स्पोर्टसका लागि पहिलो हाफमा साम्बिल गसिमले गोल गरेका थिए । पहिलो हाफको अन्तिम मिनेटमा भ्यालेन्सियाले बराबरीको अवसर पाएको थियो । तर, किरणले त्यसलाई सफल हुन दिएनन् ।
दोस्रो हाफमा शेख कमल कपको सेमिफाइनलमा मनाङविरुद्ध गोल गरेका नाफिउले र नैज हसेनले १÷१ गोल गरेपछि टिसी स्पोर्टसको जित सह जबनेको थियो ।
