मिडल्सब्रो (एजेन्सी) – म्यानचेस्टर सिटी चार बर्षयता पहिलो पटक एफए कपको सेमिफाइनल पुगेको छ । मिडल्सब्रोलाई उसकै मैदानमा २–० ले हराउँदै सिटी अन्तिम चारमा पुगेको हो ।
खेलको तेस्रो मिनेटमा पौलो जाबालेटाले दायाँबाट दिएको क्रसमा सिक्स यार्डबाट गोल गर्दै डेभिड सिल्भाले सिटीलाइ अग्रता दिलाएका थिए । मिडल्सब्रोका गोलकिपर गुजानले उत्कृस्ट प्रदर्शन गर्ने क्रममा साने , सर्जियो अग्वेरो र सिल्भालाई गोल गर्नबाट रोकेबाट रोके ।
तर,पनि ६७ औं मिनेटमा सानेको क्रस सदुपयोग गर्दै अग्वेरोले गोल गरेपछि सिटीले वेम्ब्लीमा हुने सेमिफाइनलमा स्थान पक्का गरेको हो । सिटीले बुधबार च्याम्पियन्स लिगअन्तर्गत अन्तिम १६ को दोस्रो लेगमा मोनाकोको सामना गर्दैछ । पहिलो लेगमा सिटीले ५–३ को अग्रता लिएको थियो ।
