काठमाडौं (हाम्रो खेलकुद) – श्रीलंकामा जारी फुटबल एक्सचेन्ज कार्यक्रम अन्तर्गत मैत्रीपूर्ण फुटबल श्रृखंलाको दोस्रो खेलमा नेपालले आइतबार जापान यू-१५ को सामना गर्दै छ । खेल कोलोम्बोमा नेपाली समय अनुसार साँझको ७:१५ बाट सुरु हुनेछ ।
तस्बिर: एन्फा
पहिलो खेल खेलेको नेपालले शनिबार भुटान यू-१५ लाइ ७-१ ले हराएको थियो । नेपाली युवा टोलीका तीन फरवार्ड रञ्जन पुन , ब्रिजेश चौधरी र रोशन राना मगरले समान २ गोल गरेका थिए भने अर्को गोल कलोश बखारियालेगरेका थिए । त्यस्तै जापानले आफ्नो अघिल्लो खेलमा शनिबार श्रीलंकालाई ३-१ ले पछि पारेको थियो ।
सुनिल श्रेष्ठको मुख्य प्रशिक्षणमा रहेको टोलीको सहायक प्रशिक्षकमा नबिन महर्जन र सनोज श्रेष्ठ छन् । त्यस्तै टोली अखिल नेपाल फुटबल संघका मनार्थ सदस्य मधुसुदन उपाध्यायको नेतृत्वमा श्रीलंका पुगेको हो ।
