एजेन्सी – फिफा कन्फेडेरेसन कप अन्तर्गत शनिबार रातीको खेलमा पोर्चुगलले न्युजिल्याण्डलाई ४-०ले पराजित गर्दै सेमिफाइनलमा स्थान पक्का गर्यो। त्यसक्रममा रोनाल्डोले आफ्नो अन्तर्राष्ट्रिय करियरको ७५औं गोल गरेका थिए।
खेलको ३३औं मिनेटमा कप्तान क्रिस्टियानो रोनाल्डोले पेनाल्टीमार्फत गोल गर्दै टोलीलाई अग्रता दिलाएका थिए। यो रोनाल्डोले सिजनको ३३औं र आफ्नो अन्तर्राष्ट्रिय करियरको ७५औं गोल थियो।यस गोलसँगै उनि युरोपियन राष्ट्रहरुमा सर्वाधिक अन्तर्राष्ट्रिय गोल गर्ने खेलाडीको सुचिमा दोश्रो स्थानमा उक्लिएका छन्।
शीर्षस्थानमा हंगेरीका फेरेंच पुस्कासले ८४ गोल गर्दै कीर्तिमान आफ्नो नाम लेखाएका छन्। रोनाल्डोले १ सय ४२ खेलमा ७५ गोल गरेका छन्। हाल अन्तर्राष्ट्रिय फुटबल खेलिरहेका खेलाडीमा रोनाल्डो सर्वाधिक गोल गर्ने खेलाडी हुन्।
