एजेन्सी – म्यानचेस्टर युनाइटेडले चेल्सीका मिडफिल्डर नेमान्जा माटीचलाई आफ्नो क्लबमा भित्र्याउने तयारी गरेको छ। युनाइटेड र चेल्सीबीच खेलाडीको स्थानान्तरण रकमको सम्झौता भैसककेको छ र अब युनाइटेडले खेलाडीसँग अन्तिम सम्झौता गर्न बाँकी रहेको छ।
२८ वर्षे माटीचलाई भित्र्याउन युनाइटेडले ४० मिलियन पाउण्डको हाराहारीमा खर्च गर्ने बुझिएको छ। हाल म्यानचेस्टर युनाइटेडका प्रशिक्षक रहेका जोसे मोउरिन्होले सन् २०१४ ताका चेल्सीमा छँदा माटीचलाई क्लबमा ल्याएका थिए। त्यस समय चेल्सीले बेन्फिकालाई २१ मिलियन पाउण्ड तिरेको थियो। माटीचको आगमनसँगै युनाइटेडको नयाँ सिजनका लागि यो दोश्रो खेलाडी अनुबन्धन हुनेछ। यसअघी बेन्फिकाका डिफेन्डर भिक्टर लिन्डेलफ ३० मिलियन पाउण्डमा युनाइटेड भित्रिसकेका छन्।
उता चेल्सीका प्रशिक्षक एन्टोनियो कोन्टेले भने माटीचको स्थानमा एएस मोनाकोका मिडफिल्डर टिमोए बाकायोकोलाई क्लबमा ल्याउन चाहेका छन्। गत सिजन मोनाकोले लिग जित्दा महत्त्वपूर्ण भूमिका खेलेका बाकायोको अपनी चेल्सीमा आउन इच्छुक रहेका छन्।
