एजेन्सी – चिलीका मिडफिल्डर आर्टूरो भिडालले पोर्चुगलविरुद्धको सेमिफाइनल खेल अगाडी कप्तान क्रिस्टियानो रोनाल्डोलाई इंगित गर्दै आक्रमक अभिव्यक्ति दिएका छन्। फाइनल प्रवेशका लागि पोर्चुगल र चिली बुधबार रातीको खेलमा आमनेसामने हुँदैछन्।
भिडालले रोनाल्डोको विषयमा बोल्दै उनलाई रोनाल्डोको उपस्थितिले केहि फरक नपर्ने पनि बताए।’रोनाल्डो बढी देखावटी गर्ने खेलाडी हुन्। उनको उपस्थितिले मलाई केहि फरक पर्दैन। मैले जर्मनीका किम्मिचलाई फाइनलमा फेरी जर्मनी र चिलीले नै खेल्नेछन् भने भनिसकेको छु।’
यसअघि यी दुइ खेलाडीबीच खासै ठुलो खबर केहि नभएपनि गत सिजन च्याम्पियन्स लिगको क्वार्टरफाइनलमा बायर्न र रियलको खेल हुँदा रियल जित हात पार्दै अर्को चरणमा पुगेको थियो। त्यस समयमा रोनाल्डोले दिएको अभिव्यक्तिले बायर्नका खेलाडीहरु निराश भएका हुनसक्ने अनुमान गरिएको थियो। उक्त खेलमा बायर्नका भिडालले रातो कार्ड पाउँदै मैदान छाड्नु पारेको थियो।
कन्फेडेरेसन कपको पहिलो सेमिफाइनल खेलमा चिली र पोर्चुगल भिड्दैछन् भने दोश्रो खेलमा जर्मनीले मेक्सिकोसँग खेल्नेछ।
