7 years ago
June 28, 2017
एजेन्सी – युरोपेली यू२१ च्याम्पियनसिप अन्तर्गत मंगलबार राती भएको पहिलो सेमिफाइनल खेलमा जर्मनीले पेनाल्टी सुटआउटमा इंग्ल्यान्डलाई ४-३ले पराजित गर्दै फाइनलमा स्थान बनाएको छ। निर्धारित समय २-२को बराबरी र थप गरिएको ३० मिनेटमा कुनै गोल नभएपछि खेल पेनाल्टी सुटआउटतर्फ धकेलिएको थियो। जर्मनीका लागि डेविड सेल्केले ३५औं मिनेटमा हेडरमार्फत गोल गर्दै टोलीलाई अग्रता दिलाएका थिए। तर लेस्टर […]
एजेन्सी – युरोपेली यू२१ च्याम्पियनसिप अन्तर्गत मंगलबार राती भएको पहिलो सेमिफाइनल खेलमा जर्मनीले पेनाल्टी सुटआउटमा इंग्ल्यान्डलाई ४-३ले पराजित गर्दै फाइनलमा स्थान बनाएको छ। निर्धारित समय २-२को बराबरी र थप गरिएको ३० मिनेटमा कुनै गोल नभएपछि खेल पेनाल्टी सुटआउटतर्फ धकेलिएको थियो।
जर्मनीका लागि डेविड सेल्केले ३५औं मिनेटमा हेडरमार्फत गोल गर्दै टोलीलाई अग्रता दिलाएका थिए। तर लेस्टर सिटिका डेमारे ग्रेले क्लिएर नभएको कर्नरको फाइदा उठाउँदै ४१औं मिनेटमा बराबरी गोल फर्काए। दोश्रो हाफको सुरुवातमै इंग्ल्यान्डले खेलमा अग्रता लिएको थियो। ट्यामी अब्राहमले ५२औं मिनेटमा गोल गर्दै खेलमा इंग्ल्यान्डलाई अगाडी बढाएका थिए। तर, वैकल्पिक खेलाडीका रुपमा मैदान प्रवेश गरेका फेलिक्स प्लाटले कर्नरबाट आएको बललाई हेडरमार्फत गोल गर्दै खेललाई बराबरीमा पुर्याएका थिए।
निकै प्रतिस्पर्धात्मक खेलको निर्धारित ९० मिनेट बराबरीमा सकिएपछि थप गरिएको ३० मिनेट अतिरिक्त समयमा पनि गोल हुन नसकेपछि खेलको छिनोफानो पेनाल्टी सुटआउटबाट गरिएको थियो। पेनाल्टीमा जर्मनीले पहिलो प्रहार गर्दै आफ्नो दोश्रो पटकको प्रहार चुकाएको थियो। तर, इंग्ल्यान्डले पनि दोश्रो प्रहारमै चुकेपछि खेल बराबरीमै अघि बढ्यो। सुटआउटको अन्तिम पेनाल्टीमा नाथन रेडमन्ड चुकेपछि जर्मनीले खेल जितेको थियो।
जर्मनीका लागि कप्तान म्याक्सीमिलियन आर्नल्ड, म्याक्स फिलिप, म्याक्स मायर र नदीम अमिरीले गोल गरेका थिए भने यानिक गर्हार्डटको प्रहार गोलरक्षक जोर्डन पिकफर्डले बचाएका थिए। इंग्ल्यान्डका लागि लेविस बेकार, जेम्स वार्ड प्राउज र लेस्टरका बेन चिलवेलले आफ्नो पेनाल्टी सफल पारे भने चेल्सीका ट्यामी अब्राहम र साउथह्याम्पटनका नाथन रेडमण्डको प्रहार ह्यामबर्गका गोलरक्षक जुलियन पोलर्सबेकले बिफल तुल्याएका थिए।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]