एजेन्सी – ब्राजिलका कप्तान एवं बार्सिलोनाका स्टार फरवार्ड नेयमारले चाहेको खण्डमा फ्रान्सेली क्लब पेरिस सेन्ट जर्मेन र इंगलिस क्लब म्यानचेस्टर युनाइटेड उनलाई जतिसुकै रकममा पनि आफ्नो क्लबमा भित्र्याउन तयार रहेको बुझिएको छ। नेयमारको हाल बार्सिलोनामा १ सय ७४ मिलियन पाउण्डको रिलिज क्लज रहेको छ।

गत सिजन औसत प्रदर्शन गरेको बार्सिलोनाले यस सिजनका लागि नयाँ प्रशिक्षक एर्नेस्टो भालभेर्डेलाई भित्र्याएको छ। एथलेटिक बिल्बाओका पूर्व प्रशिक्षक एर्नेस्टोले हालसम्म बार्सिलोनाका लागि कुनै खेलाडी अनुबन्धन गरेका छैनन्। यसले बार्सिलोनाका फरवार्ड नेयमारलाई भने चिन्ता लाग्न थालेको स्पेनिस पत्रिका डन बालोनले जनाएको छ।

बार्सिलोनाको लागि गत सिजन राइट ब्याक र सेन्टर मिडफिल्डमा निकै समस्या देखिएको थियो। ड्यानी आल्भेसको प्रस्थानसँगै बार्सिलोनाले उक्त पोजिसनमा आर्सनलका हेक्टर बेल्लेरिनलाई भित्र्याउन खोजेपनि सफल हुन सकेको छैन। यसैगरी, सेन्टर मिडफिल्डमा पनि पेरिसका मार्को भेर्राट्टीको नाम अगाडी आएको छ। खेलाडी अनुबन्धनमा ढिलाई भएसँगै नेयमार भने निराश भएको पत्रिकले लेखेको छ।

यसैगरी नेयमारले बार्सिलोना छाड्न चाहेको खण्डमा म्यानचेस्टर र पेरिस दुवै क्लबले बार्सिलोनाले चाहेजति रकम आफुले तिर्न सक्ने बताएका छन्। ज्लाटन इब्रहिमोभिचले क्लब छाडेसँगै दुवै क्लब अहिले फरवार्डको खोजीमा रहेका छन्। पेरिसमा एडिन्सन काभानी एक्लै फरवार्ड खेलिरहेका छन् भने युनाइटेडका वायान रुनी प्रशिक्षक मोउरिन्होको योजनामा पर्न सकेका छैनन्।

नेयमारले क्लब छाड्ने सम्भावना एकदमै कम छ। सुआरेज र मेस्सीसंगको तालमेल प्रत्यक सिजन उत्कृष्ट हुँदै गइरहेको र उनले आगामी विश्वकपमा ब्राजीलबाट उत्कृष्ट प्रदर्शन गर्ने सुरमा रहेकाली उनि यस सिजन भने बार्सिलोनामै रहने छन्। यद्दपी उनलाई केहि असहज भएको खण्डमा भने दुवै टोलीको ढोका उनको लागि हरदम खुला रहने बालोनले जनाएको छ।

बार्सिलोनाको नयाँ जर्सीमा नेयमार