जुरिच (एजेन्सी) – अर्काे वर्ष रुसमा आयोजना हुने फुटबल विश्वकप २०१८ का लागि अहिलेसम्म आयोजकसहित २३ राष्ट्रले स्थान सुरक्षित गरिसकेका छन् । त्यस्तै अन्य ९ राष्ट्रको पनि छिट्टै टुङ्गो लाग्ने छ । 

आयोजकको हैसियतले रुसले सिधै विश्वकपमा स्थान बनाउदा बाँकी २२ देशले भने विभिन्न चरणको छनोट पार गरेर विश्वकपमा स्थान बनाएका हुन् ।

अब विश्वकपमा ९ राष्ट्रले स्थान बनाउन बाँकी छ र २२ राष्ट्रले नोभेम्वर १० तारिखबाट विश्वकपमा स्थान बनाउन प्ले अफ खेल्नेछन् । युरोपबाट प्ले अफमा ४ राष्ट्रले विश्वकपमा स्थान बनाउने छन् । आठ छनोट समूहका उपविजेताले विश्वकपमा स्थान बनाउन प्ले अफ खेल्दै छन् ।

युरोपियन प्लेअफमा क्रोएसिया–ग्रीस, उत्तरी आयरल्याण्ड–स्वीट्जरल्याण्ड, रिपब्लिक अफ आयरल्याण्ड–डेनमार्क तथा स्वीडेन-इटालीले होम-एण्ड-अवेका आधारमा खेल्दै जित हात पार्ने टोलीले विश्वकपमा स्थान बनाउने छन् ।

युरोपबाट चार पटकको विश्व विजेता इटालीले रसिया विश्वकपमा स्थान बनाउन सक्छ कि सक्दैन भन्ने निकै चासोको विषय बनेको छ । २००६ को विजेता पनि रहेको इटाली स्वीडेनसँग नोभेम्वर ११ र नोभेम्वर १४ तारिखमा प्ले अफ खेल्दै छ ।

युरोपका प्ले अफका खेलहरु:

क्रोएसिया विरुद्ध ग्रीस – नोभेम्वर १० राति १ः३० बजे

उत्तरी आयरल्याण्ड विरुद्ध स्वीट्जरल्याण्ड – नोभेम्वर १० राति १ः३० बजे

स्वीडेन विरुद्ध इटाली – नोभेम्वर ११ गते  १ः३० बजे

डेनमार्क विरुद्ध रिपब्लिक अफ आयरल्याण्ड – नोभेम्वर १२ राति १ः३० बजे

स्वीट्जरल्याण्ड विरुद्ध उत्तरी आयरल्याण्ड – नोभेम्वर १२ गते राति १ः३० बजे

ग्रीस विरुद्ध क्रोएसिया – नोभेम्वर १३ राति १ः३० बजे

इटाली विरुद्ध स्वीडेन – नोभेम्वर १४ राति १ः३० बजे

रिपब्लिक अफ आयरल्याण्ड विरुद्ध डेनमार्क – नोभेम्वर १५  राति १ः३० बजे