6 years ago
November 10, 2017
काठमाडौं (हाम्रो खेलकुद)– नेपाली राष्ट्रिय फुटबल टोलीका मिडफिल्डर रोहित चन्द आफ्नो क्लबको अन्तिम खेल अघि नै स्वदेश फर्कने भएका छन् । फिलिपिन्सविरुद्ध मंगलबार हुने एएफसी एसियन कप छनोटको खेलका लागि रोहित फर्कन लागेका हुन् । उनी आज राती राजधानी आइपुग्ने उनका दाजु रविनले हाम्रो खेलकुद डटकमलाई जानकारी दिएका छन् । चोटका कारण झन्डै एक वर्ष […]
काठमाडौं (हाम्रो खेलकुद)– नेपाली राष्ट्रिय फुटबल टोलीका मिडफिल्डर रोहित चन्द आफ्नो क्लबको अन्तिम खेल अघि नै स्वदेश फर्कने भएका छन् । फिलिपिन्सविरुद्ध मंगलबार हुने एएफसी एसियन कप छनोटको खेलका लागि रोहित फर्कन लागेका हुन् । उनी आज राती राजधानी आइपुग्ने उनका दाजु रविनले हाम्रो खेलकुद डटकमलाई जानकारी दिएका छन् ।
चोटका कारण झन्डै एक वर्ष मैदान बाहिर रहेका रोहित चोटमुक्त भएपछि गत चैतमा फेरि इन्डोनेसिया लिग १ को क्लब पर्सिजा जाकर्तामा आबद्ध भएका थिए । जाकार्तामा उच्च प्रदर्शन गर्दैै उनी इन्डोनेसिया लिगको १३, १४, १५ औं र २९ औं साताको उत्कृष्ट ११ मा पर्न सफल भएका थिए ।
तर, लिग १ को शीर्ष टोली भयाङ्कराविरुद्ध हुने क्लबको अन्तिम खेलमा भने उनी नहुने भएका छन् । पर्सिजालाई बराबरीमा रोकेमात्र पनि भयाङकरा यो सिजनको च्याम्पियन बन्नेछ । भयाङकराको ३३ खेलमा ६८ अंक छ । दोस्रो स्थानको बाली युनाइटेडको ६५ अंक छ । छैटौं स्थानमा रहेको पर्सिजाको ५८ अंक छ । सुरुआत खराब भएपनि पर्सिजाले पछि उच्च प्रदर्शन गर्दै अंक तालिकामा उकालो चढेको थियो । रोहित टोलीका महत्वपूर्ण सदस्य रहँदै आएका छन् ।
रोहित यसअघि सन् २०१२ देखि २०१५ सम्म पनि सोही क्लबबाट खेलेका थिए । अघिल्लोपल्ट मासिक ३ हजार ५ सय अमेरिकी डलरमा सम्झौता गरेका रोहितले यस पटक भने रकम खुलाएनन् ।रोहित त्यस्ता थोरै नेपाली खेलाडीमा पर्दछन्, जसको व्यवसायिक खेल जीवन स्वदेश भन्दा विदेशमा बढी वितेको छ । उनले यसअघि मलेसियाली क्लब र भारतीय लिग (आइलिग) बाट समेत खेलिसकेका छन् । मच्छिन्द्र क्लबबाट लिगमा डेब्यू गरेको अर्को सिजन उनी आइलिग टोली एचसिएल पुगेका थिए ।
चोट मुक्त भएर उनी गत माघमा सक्रिय खेल जीवनमा फर्केका थिए । लक्ष्मी हुन्डाई मनाङ मस्र्याङ्दी क्लबबाट तीन वटा नकआउट फुटबल खेल्दै उनले राष्ट्रिय टोलीमा पुरागमन गरेका थिए । एसियन कप छनोटअन्तर्गत चैत १५ गते फिलिपिन्सविरुद्ध खेलमा उनी पहिलो रोजाइमा थिए । उनको व्यवसायिक खेल जीवन चम्किलो रहेपनि व्यक्तिगत रुपमा दुई वर्ष उनका लागि पीडादायी रह्यो ।
नेपालले तीन अन्तराष्ट्रिय उपाधि जित्दा उनी टोलका सदस्य थिएनन् । घुँडाको चोटका कारण उनले झन्डै वर्षदिन मैदान बाहिर रहनु परेको थियो । दुई वर्षअघि मलेसियाको टि टिम एफसीका लागि खेल्दा एसिएल चोट लागेपछि रोहितले उतै शल्यक्रिया गरेका थिए । त्यसपश्चात डाक्टरको सल्लाहअनुसार केहि महिना विश्राम लिएका रोहितले कोलकातामा गएर ग्राउण्ड रिकभरी गरे । केहि महिना फिटनेसका लागि आफैं प्रशिक्षण गरेका रोहितले फुटबल मैदानमा फर्किन मनाङको साथ रोजेका थिए ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]