पेरिस (एजेन्सी) – यस पटकको विश्वकपको दाबेदार मानिएको फ्रान्स आज राति मैत्रीपूर्ण खेलमा वेल्सको सामना गर्दै छ । पेरिसको स्टाडे डे फ्रान्स रङ्गशालामा खेलिने सो खेल नेपाली समय अनुसार १.४५ बजे सुरु हुने छ ।
फ्रान्सका लागि गोलकिपर ह्युगो लोरिस घाइते रहेका छन् भने डिफेन्डर राफायल भरान र स्ट्राइकर ओलिभर जिरुड पनि सामान्य चोटिल रहेका छन् । त्यस्तै वेल्सले आफ्नो मुख्य खेलाडि ग्यारेथ बेललाई चोटका कारण गुमाउने छन् ।
फ्रान्स र वेल्स पहिलो पटक एकआपसमा भिड्दै छन् । त्यस्तै अर्को मैत्रीपूर्ण खेलमा बेल्जियम मेक्सिकोको सामना गर्दै छ । बेल्जियमका लागि डिफेन्डर जान भर्टोन्घेन, टोबी एल्डरवेरल्ड र भिन्सेन्ट कम्पनी चोटका कारण उपलब्ध छैनन् ।
यसै गरी युरोपियन विजेता पोर्चुगल २.३० बजे साउदी अरेबियासँग भिड्दै छ । सन् २००६ मा भएको यी दुई बीचको एक मात्र खेलमा पोर्चुगल ३-० ले विजयी रहेको थियो ।
अाज खेलिने मैत्रीपूर्ण खेलहरुको समय तालिका:
युक्रेन विरुद्ध स्लोभाकिया – ११.४५ बजे
बेल्जियम विरुद्ध मेक्सिको – १.३० बजे
पोल्यान्ड विरुद्ध उरुग्वे – १.३० बजे
इङ्ग्ल्यान्ड विरुद्ध जर्मनी – १.४५ बजे
फ्रान्स विरुद्ध वेल्स – १.४५ बजे
पोर्चुगल विरुद्ध साउदी अरेबिया – २.३० बजे
