म्याड्रिड (एजेन्सी)– लिभरपुलका पूर्व स्टनर फर्नान्डो टोरेस फेरि प्रिमियर लिग फर्कने सम्भावना बढेको छ । जनवरीमा एट्लेटिको म्याड्रिडबाट ३३ वर्षे टोरेस लोनमा जाने निश्चित भएपछि उनी पुनः प्रिमियर लिग फर्कने सम्भावना देखिएको हो । उनी न्यूक्यासल र साउथह्याम्पटन मध्ये एकमा जान सक्ने बताइएको छ ।

लिभरपुलमा रहँदा टोरेसले १ सय ४२ खेलमा ८१ गोल गरेका थिए । पछि सन् २०११ मा उनी चेल्सी पुगिेका थिए । त्यहाँबाट पनि खेल जीवन सुरु गरेको क्लब एट्लेटिको फर्केका थिए । डिएगो कोस्टा जनवरीमा एट्लेटिको पुगेपछि आफ्नो भूमिका सिमित हुने बुझेका टोरेस प्रिमियिर लिग फर्कन इच्छुक देखिएको बताइएको छ । उनीमाथि न्यूक्यासल र साउथ ह्याम्पटनले चासो देखाइरहेको छ ।

राफा बेनिटेजको प्रशिक्षणमा रहेको न्यूक्यासल जाने सम्भावना बढी रहेको उल्लेख गरिएको छ । टोरेस र बेनिटेजबीच राम्रो सम्बन्ध रहेको बताइएको छ । एट्लेटिकोमा टोरेसको सम्झतौ अझै १८ महिना बाँकी रहेपनि आउने पुरा सिजन गर्ने साचका साथ उनी पुरानो क्लब छाड्ने मनस्थितिमा पुगेका हुन् । एट्लेटिकोसँगको सम्झौताको अन्त्यसँगै उनी खेल जीवनको अन्त्य गर्न चाहन्थे । तर, परिस्थिति उनको अनुकुल रहेन । कतिपयले उनी एमएलएस वा चीन जान सक्ने पनि अनुमान गरेका छन् ।