6 years ago
November 14, 2017
सबिन शेर्मा दमक– रमपम झापा ११ ले दोस्रो सताक्षी गोल्डकप फुटबल प्रतियोगितामा सानदार सुरुआत गर्ने क्रममा आज उद्घाटन खेलमा पोखरा ११ लाई ५–० ले पराजित गरेको छ । जितसँगै झापा सेमिफाइनलमा पुगेको छ । झापाको जितमा स्ट्राइकर कर्ण लिम्बूले २, गिल्सन कन्दङ्वा, विशाल राई र विदेशी खेलाडी अजयी मार्टिनले समान १ गोल गरे । पहिलो […]
सबिन शेर्मा
दमक– रमपम झापा ११ ले दोस्रो सताक्षी गोल्डकप फुटबल प्रतियोगितामा सानदार सुरुआत गर्ने क्रममा आज उद्घाटन खेलमा पोखरा ११ लाई ५–० ले पराजित गरेको छ । जितसँगै झापा सेमिफाइनलमा पुगेको छ । झापाको जितमा स्ट्राइकर कर्ण लिम्बूले २, गिल्सन कन्दङ्वा, विशाल राई र विदेशी खेलाडी अजयी मार्टिनले समान १ गोल गरे ।
पहिलो हाफमा ३ गोल गर्दै झापाले खेलमा बलियो पकड बनाएको थियो । मार्टिनले १२ औं मिनेटमा पहिलो गोल गरेका थिए । विशालको पासमा मार्टिनले सेकेण्ड बार च्याप्दै गरेको प्रहार गोलमा परिणत भएको थियो । कर्णले १७ औं मिनेटमा वान टचमा गोल गरे । कप्तान योगेश गुरुङले दिएको क्रसमा पोखराका गोलकिपर दीप कार्की अगाडी बढेको अवस्थामा कर्णले वन टचमा गोल गरेका हुन् । १९ औं मिनेटमा विशालले गोल थपे ।
पेनाल्टी बक्स नजिकबाट प्रहार गरेको बल गोलमा परिणत भएको थियो । खेलको ५१ औं मिनेटमा मिडफिल्डर गिल्सन कन्दङ्वाले टोलीका लागि चौथो गोल गरे । उनले गोलकिपर दीप बिट भएको अवस्थामा मैदानको मध्य भागबाट प्रहार गरेको बल गोलमा परिणत भएको थियो । ७१ औं मिनेटमा कर्णले व्यक्तिगत दोस्रो र टोलीका लागि पाँचौ गोल गरे ।
पोखराले गोल फर्काउने पाएका सबै अवसरहरु खेर फालेका थिए । उसले पहिलो हाफमा प्रहार गरेको एक मात्र सट गोल पोष्टमाथिबाट बाहिरिएको थियो । ५५ औं मिनेटमा किरण थापामगरले पेनाल्टी बक्स नजिकबाट गरेको प्रहार झापाका गोलकिपर किशोर गिरीले पन्च गर्दै जोगाए । दोस्रो हाफमा प्राप्त पेनाल्टी पनि पोखराले गोलमा परिणत गर्न सकेन । कप्तान बिष्णु गुरुङले पेनाल्टी बाहिरिएको थियो ।
झापाका कप्तान योगेश म्यान अफ दी म्याच घोषित भए र उनले १० हजार रुपैयाँ प्राप्त गरे । प्रतियोगिताको विजेताले ५ लाख र दोस्रो हुने टोलीले २ लाख ५० हजार रपैयाँ प्राप्त गर्नेछ । गोल्डकपमा ६ ‘ए’ डिभिजन, एक विदेशी र आयोजकसहित १० टोलीको सहभागिता छ ।
सताक्षी गोल्ड कपमा बुधबारको खेल
नेपाल एपिएफविरुद्ध डाइमण्ड अफ फुटबल एकेडेमी, मध्य प्रदेश (भारत)
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]