मस्को (एजेन्सी) – नाइजेरियासँगको गए राति भएको मैत्रीपूर्ण खेलमा अर्जेन्टिनाका लागि पहिलो हाफमा गोल गरेका म्यानचेस्टर सिटीका स्ट्राइकर सर्जियो अग्वेरोलाई खेलपछि सावधानी अपनाउँदै अस्पताल लगिएको थियो ।
खेलको ३६ औं मिनेटमा अर्जेन्टिनाका लागि गोल गरेका अग्वेरो दोस्रो हाफको सुरुआत देखि मैदान बाहिर रहे । उनलाई रिंगटा लागेको कारण निकालिएको अर्जेन्टिनी प्रशिक्षक जोर्ज साम्पोलीले खेल पछि बताए ।
गत सेप्टेमबरमा कार दुर्घटनामा परेका अग्वेरोलाई साबधानी अपनाउँदै सामान्य जाँचका लागि अस्पताल लगिएको म्यानचेस्टर सिटीले जनाएको हो । ‘अग्वेरो बेहोस भएका हैनन् , साबधानी अपनाउँदै उनलाई अस्पताल लगिएको हो ‘ , सिटीले सार्वजनिक गरेको प्रेस वक्तव्यमा लेखिएको छ । उनी अस्पतालबाट फर्किसकेका छन् र हाल टोलीका अन्य खेलाडीसँगै होटलमा छन् ।
