सबिन शेर्मा
झापा – नेपाल एपिएफ क्लब झापाको झिलझिलेमा जारी टुवोर्ग दोस्रो सताक्षी गोल्ड कफ फुटबल प्रतियोगिताको क्वार्टरफाइनलमा पुगेको छ । भारत मध्य प्रदेशको डायमन्ड अफ फुटबल एकेडेमीलाई आज ४–० ले हराउँदै विभागिय टोली अन्तिम आठमा पुगेको हो ।
अब एपिएफले सेमिफाइनल प्रवेशका लागि अर्को विभागिय टोली त्रिभुवन आर्मी क्लबसँग शनिबार प्रतिस्पर्धा गर्नेछ । आज एपिएफको जितमा रुपबहादुर लामा, श्याम नेपाली, रञ्जन विष्ट, नवीन लामाले गोल गरे ।
नविनको कर्नमा रुपबहादुले हेडमार्फत गोल गर्दै ३१ औं मिनेटमा एपिएफलाई अग्रता दिलाए । ६२ औं मिनेटमा श्यामले गोल गरे । एकतर्फी खेलको ७२ औं मिनेटमा रञ्जले गोल गरे । इन्जुरी समयमा नवीनले गोल गरेपछि ए डिभिजन टोलीको जित सहज बनेको थियो । रुपबहादुर खेलको म्यान अफ दी म्याच घोषित भए र उनले १० हजार रुपैयाँ प्राप्त गरे ।
शतासीधाम स्पोर्टिङ क्लब झापाको आयोजना जारी प्रतियोगिताको विजेताले ५ लाख र दोस्रो हुने टोलीले २ लाख ५० हजार रपैयाँ प्राप्त गर्नेछ । गोल्डकपमा ६ ‘ए’ डिभिजन, एक विदेशी र आयोजकसहित १० टोलीको सहभागिता छ ।
सताक्षी गोल्ड कपमा बिहीकारको खेल
शतासीधाम स्पोर्टिङविरुद्ध चर्च ब्वाइज काठमाडौं
