अर्जुन कार्की
बागलुङ–अन्तर स्कुल स्तरीय चिल्ड्रेन लाइफ फुटबल कप प्रतियोगिताको उपाधि आयोजक चिल्ड्रेन लाईफ इङ्गलिस बोर्डिङ स्कुलको ‘निलो’ टोलीले जितेको छ । सिदार्थ शिक्षा सदनलाई आज फाइनलमा २–० ले हराउँदै चिन्ड्रेन लाइफले उपाधि जितेको हो ।
६० मिनेटको खेलमा मनोज थापाको गोलमा चिल्ड्रेनले १६ औं मिनेटमा अग्रता लिएको थियो । आयोजक टोलीका लागि ४३ औं मिनेटमा अर्को गोल थपे । नारायण कुँवरले गोल गर्दै टिमलाई जितउन्मुख गराएका थिए ।
विजेता टोलीले उपाधिसहित २५ हजार, दोस्रो हुने टोलीले १५ हजार रुपैयाँ प्राप्त गरे । सेमिफाइनलसम्म पुगेका अमर आदर्श आवासिय मावि र युनिभर्सल सवलायम एकेडेमिले समान ५ हजा रुपैयाँ प्राप्त गरे । प्रतियोगितामा १५ विद्यालयका १६ टोलीको सहभागिता थियो ।
