पोखरा (हाम्रो खेलकुद) – संगम कप फुटवल प्रतियोगिताको पहिलो दिन हेमजा युनाइटेड क्लब र आर टी सेन्टरले विजयी सुरुआत गरेका छन् । पोखरा रंगशालामा भएको उद्घाटन खेलमा हेमजाले काजिपोखरी एफसीले ४–१ ले हराएको थियो ।

हेमजाको जितमा ईश्वर नेपालीले २, सुमन सुनार र अस्मित कुवंरले समान १ गोल गरे । काजिपोखरीका लागि हेमन्त तामाङले गोल गरे । अर्को खेलमा आर टीले हिल प्वाईन्ट स्कुललाई २–० ले परााजित गर्यो । आर टीका लागि सौगात राना र प्रदीप परियारले गोल गरे ।

पुस ७ गतेसम्म संचालन हुने प्रतियोगिताको पोखरा लेखनाथ महानगरपालिका वडा नम्बर १३ का वडा अध्यक्ष दर्शन लामाले रेफ्रि सन्तोष गुरुङलाई बल हस्तान्तरण गर्दै उद्घाटन गरे । प्रतियागितामा विभागिय एक टोली सशस्त्र प्रहरी वलको एपिएफ सहित २३ टिमको सहभागिता छ ।

प्रतियोगिताको विजेताले एक लाख २५ हजार र दोस्रो हुने टोलीले ६५ हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले ७ हजार, सर्वाधिक गोलकर्ता र विधागत उत्कृष्टले समान ५ हजार रुपैयाँ प्राप्त गर्नेछन् । प्रतियोगितालाई सफल पार्न जिल्ला खेलकुद विकास समिति कास्की, पश्चिमाञ्चल क्षेत्रिय खेलकुद विकास समिति, पोखरा लेखनाथ महानगरपालिका कार्यालयको, सहयोग गरेको सचिव शिव नेपालीले बताए ।