बार्सिलोना (एजेन्सी) – रियल म्याड्रिडविरुद्ध शनिबारको एल क्लासिकोमा बार्सिलोनाको प्रभावशाली जितमा अर्जेन्टिनी स्ट्राइकर लियोनल मेस्सीको भूमिका महत्वपूर्ण रह्यो । पेनाल्टी मार्फत गोल गरेका मेस्सीको अर्को गोलमा भूमिका रह्यो ।
स्पेनिस संचार माध्यम एल परियोडिकोले सार्वजनिक गरेको तथ्याङ्क अनुसार लियोनल मेस्सीले खेलको ८३.१ प्रतिशत समय हिडेर बिताए । त्यस्तै अन्य १० प्रतिशत समय उनी हल्का रुपमा कुदे । ४.९५ प्रतिशत समय भने उनि दौडिए र जम्मा १.१५ प्रतिशत समयमात्र उनी उच्च गतिमा दौडिएको देखियो ।
एल परियोडिकोले मेस्सीलाई ९० मिनेटसम्म विश्लेषण गरेको थियो । यस सिजन लियोनल मेस्सी बार्सिलोनाका एकमात्र आउटफिल्ड खेलाडी हुन् जसले ला लिगाको हरेक मिनेट मैदानमा बिताएका छन् ।
