म्यानचेस्टर (एजेन्सी) – प्रिमियर लिगको दोस्रो स्थानमा रहेको म्यानचेस्टर युनाइटेड गए राति लिगमा बर्नलीसँग २-२ को स्कोरमा रोकिएको छ । यस नतिजासँगै अग्रस्थानमा रहेको म्यानचेस्टर सिटी अब १५ अंकले अगाडि जाने मौका रहेको छ ।

पहिलो हाफमा दुई गोल गर्दै बर्नलीले घरेलु टोलीलाई दबाबमा राखेको थियो । एस्लि बार्न्सले खेलको तेस्रो मिनेटमा तथा स्टेफेन डेफोरले खेलको ३६ औं मिनेटमा गोल गर्दै भ्रमणकारी टोलीलाई अग्रता दिलाए । तर परिवर्तित खेलाडि जेसे लिन्गार्डले दुई गोल गर्दै युनाइटेडलाई १ अंक दिलाएका हुन् ।

त्यस्तै तालिकाको तेस्रो स्थानमा रहेको चेल्सीले ब्राइटनलाई २-० ले हराउन सफल रह्यो । प्रतिबन्धबाट फर्केका स्ट्राइकर एल्भारो मोराटाले चेल्सीलाई अग्रता दिलाए भने मार्कोस अलोन्सोले चेल्सीको जित सुनिश्चित पारेका थिए ।

त्यस्तै अर्को बलियो टोली लिभरपुलले स्वान्सीलाई ५-० ले हराउन सफल रह्यो । लिभरपुलका लागि रोबर्टो फिर्मिनोले दुई गोल तथा फिलिप कौटिन्हो, ट्रेन्ट एलेक्सान्डर आर्नोल्ड र एलेक्स अक्स्लेड चेम्बरलेनले एकएक गोल गरे ।

गए राति प्रिमियर लिगमा खेलिएका अन्य खेलहरु:

बर्नमोथ ३-३ वेष्ट ह्याम

हडर्सफिल्ड १-१ स्टोक सिटी

वाटफोर्ड २-१ लेस्टर

वेष्ट ब्रोम ०-० एभर्टन