लिभरपुल (एजेन्सी) – नयाँ वर्षको दिन प्रिमियर लिगमा खराब लयमा रहेको म्यानचेस्टर युनाइटेड एभर्टनसँग भिडदै छ । एभर्टनको घरेलु मैदान गुडिसन पार्कमा खेलिने सो खेल नेपाली समयअनुसार रातिको ११.१५ बजे सुरु हुने छ ।
म्यानचेस्टर युनाइटेडका लागि रोमेलु लुकाकु घाइते छन् । त्यस्तै अर्का स्ट्राइकर ज्लाटान इब्राहिमोभिच पनि घाइते भएकाले मार्कोस रासफोर्डले युनाइटेडको अग्रपंक्ति सम्हाल्ने छन् । एभर्टनका लागि पूर्व म्यानचेस्टर युनाइटेडका स्ट्राइकर वेन रुनीले टोलीमा ठाउँ पाउने देखिन्छ ।
युनाइटेड एभर्टनसँगको पछिल्लो ७ खेलमा पराजित भएको छैन । लिगमा लगातर ३ बराबरी खेलदै युनाइटेड हाल तालिकाको तेस्रो स्थानमा रहेको छ भने एभर्टन नवौं स्थानमा रहेको छ ।
त्यस्तै आज ८.४५ बजे सुरु हुने खेलमा लिभरपुल बर्नलीसँग भिड्दै छ । लिभरपुलका लागि स्टार खेलाडि मोहम्मद सालाह घाइते छन् । त्यस्तै बर्नलीका डिफेन्डर जेम्स टार्केवस्की प्रतिबन्धपछि टोलीमा फर्किँदै छन् ।
प्रिमियर लिगमा आज खेलिने अन्य खेलहरु:
ब्राइटन विरुद्ध बोर्नमथ – ६.१५ बजे
लेस्टर विरुद्ध हडर्सफिल्ड – ८.४५ बजे
स्टोक सिटी विरुद्ध न्युकासल – ८.४५ बजे
