लमजुङ/बेशीशहर (हाम्रो खेलकुद)– आयोजक त्रिवणी युवा क्लब र बेसीशहर युथ सोसाइटी लमजुङ २६ औं खुला राष्ट्रव्यापी त्रिवेणी कप फुटबल प्रतियोगिताको उपाधिका लागि भिड्ने भएका छन् । फाइनलमा पुग्ने दुवै टोली सडन डेथमा विजयी भएका थिए ।

बेसीशहर सहजीस्थित खेल मैदानमा मंगलबार भएको पहिलो सेमिफाइनलमा आयोजक त्रिवेणीले सुन्दरबजारलाई सडनडेथमा ७–६ ले पराजित गर्दै उपाधि नजिक पुगेको हो । निर्धारित समयमा २–२ गोलको तथा थप समयमा कुनै गोल निस्कन नसकेपपछि खेलको पेनाल्टी सुट आउटमा पुगेको थियो ।
दोस्रो सेमिफाइनलमा बेसीशहर युथ सोसाइटीले घनपोखरा युथ क्लबलाई सडन डेथमै १२–११ ले पराजित गर्दै आयोजक त्रिवेणीसँगको भेट पक्का ग¥यो । निर्धारित र थप समयको खेल १–१ गोलको बराबरी भएपछि खेलको निर्णयका लागि खेल पेनाल्टी सुट आउटमा पुगेको थियो ।

प्रतियोगिताको विजतोले उपाधिसहित ३ लाख, दोस्रो हुनेले १ लाख ५० हजार रुपैयाँ प्राप्त गर्नेछन् । सेमिफाइनलमा पुग्न टोलीले समान ५० हजार रुपैयाँ प्राप्त गर्नेछन् । सर्वाधिक गोलकर्ता र सर्वोकृष्ट खेलाडीले समान १५ हजार तथा अनुशासित टोलीले १० हजार रुपैयाँ पाउनेछ । पुस १२ गते सुरु भएको प्रतियोगितामा २३ टोलीको सहभागिता रहेको थियो । फाइनल बुधबार हुनेछ ।