बार्सिलोना(एजेन्सी)– चोटबाट पूर्ण ठिक भएपछि बार्सिलोनाका स्टार उसमाने डेम्बेले अबको खेलमा मैदानमा उत्रने सम्भावना छ । बार्सिलोनाले कोपा डेल रेमा सेल्टा भिगोको सामना गर्ने अनुमान गरिएको छ ।

बार्सिलोनाले यो सिजनको क्लबको कीर्तिमानी रकममा १ सय ५ मिलियन युरोमा बोरुसिया डर्टमन्डबाट किनेको थियो । युवा स्टारलाई नेयमारको विकल्पको रुपमा भित्राइएको थियो । नेयमार यहि सिजनको सुरुआतमा पेरिस सेन्ट जर्मेन गएका थिए ।

डेम्बेले १ सय ५ मिलियन युरोमा अनुबन्धित भएपछि टोलीले महत्वपूर्ण उपाधि जित्न सकेको खण्डमा भने उनले १ सय ४७ मिलियन युरो सम्म पाउन सक्नेछन् । उनी बार्सिलोनाको लयमा देखिन थालेका थिए ।

तर गेटाफेसँगको खेलमा घाइते हुनुअघि उनले तीन खेल मात्र खेल्न पाए । सेप्टेम्बरमा २० वर्ष पुगेका डेम्बेले शल्यक्रिया र त्यसपछि फिट भएर फर्कने तयारीमा रहेका छन् । उनको उपचार फिनल्यान्डमा भएको थियो । मैदानमा उनले डिसेम्बरबाट प्रशिक्षण थालेका थिए ।

उनको चोट पूर्ण रुपमा ठिक भएको उल्लेख गर्दै रोटर्सले उनी सेल्टा भिगोविरुद्ध खेल्न सक्ने जनाएको छ । बार्सिलोनाले यो सिजन उच्च प्रदर्शनलाई निरन्तरता दिएको छ । वर्षको अन्तिम खेलमा बार्सिलोनाले रियल म्याड्रिडलाई ३–० ले हराएको थियो ।