म्यानचेस्टर (एजेन्सी) – गए राति इङ्ग्लिस एफए कपमा म्यानचेस्टर सिटीले बर्नलीलाई ४-१ को फराकिलो अन्तरले पराजित गरेको छ । सिटीको जितमा सर्जियो अगुएरोले २ गोल गरे ।
खेल सिटीको पकडमा रहे पनि खेलको २५ औं मिनेटमा बर्नलीका एस्लि बार्न्सले गोल गर्दै भ्रमणकारी टोलीलाई अग्रता दिलाए । पहिलो हाफ बर्नलीको पक्षमा १-० रहेको अवस्थामा दोस्रो हाफमा सिटीले खेल पुरै उल्टायो ।
सिटीका लागि खेलको ५६ र ५८ औं मिनेटमा स्ट्राइकर सर्जियो अगुएरोले गोल गरे । त्यस्तै ७१ औं मिनेटमा लेरोय साने र ८२ औं मिनेटमा बर्नार्डो सिल्भाले गोल गर्दै सिटीको जित सुनिश्चित गरे ।
त्यस्तै अर्को बलियो प्रिमियर लिग टोली चेल्सी भने नर्विचसँग गोलरहित बराबरीमा रोकिन पुग्यो । चौथो चरणमा छनोट हुन चेल्सी र नर्विचले रिप्ले खेल्ने छन् ।
एफए कपका महत्त्वपूर्ण खेलहरुको नतिजा:
फ्लिटवुड ०-० लेस्टर सिटी
मिडल्सब्रो २-० सन्डरल्यान्ड
वाटफोर्ड ३-०ब्रिस्टोल
कोभेन्ट्रि १-२ स्टोक
बोल्टन १-२ हडर्सफिल्ड
न्युकासल युनाइटेड ३-१ लुटन
वुल्भरह्याम्प्टन ०-० स्वान्सि
बोर्नमथ २-२ विगन
