default_image

6 years ago

January 7, 2018

युरोपियन लिगमा सर्वाधिक सफल तीन खेलाडिहरुको साझेदारी

पेरिस (एजेन्सी)– युरोपियन फुटबलमा यो सिजन धेरै अविश्वसनिय प्रदर्शन भएका छन् । कतिपयले फुटबलका यी तथ्याङ्कलाई अनुमान समेत गरेका थिएनन् । सिजनको मध्यतिर आइपुग्दा केहि क्लबमा उत्कृष्ट साझेदारी देखिएको छ । खास गरि अग्रपंक्तिमा तीन जना खेलाडि रहेको टोली झनै सफल देखिएका छन् । यहाँ युरोपियन लिगका शीर्ष ५ साझेदारी यस्तो छ : १. काभानी, […]

22 views

0 Bookmark

पेरिस (एजेन्सी)– युरोपियन फुटबलमा यो सिजन धेरै अविश्वसनिय प्रदर्शन भएका छन् । कतिपयले फुटबलका यी तथ्याङ्कलाई अनुमान समेत गरेका थिएनन् । सिजनको मध्यतिर आइपुग्दा केहि क्लबमा उत्कृष्ट साझेदारी देखिएको छ । खास गरि अग्रपंक्तिमा तीन जना खेलाडि रहेको टोली झनै सफल देखिएका छन् । यहाँ युरोपियन लिगका शीर्ष ५ साझेदारी यस्तो छ :

१. काभानी, नेयमार, बाप्पे (पिएसजी)– ३८ गोल


एमसिएन सम्मिलित पिएजसी अहिले युरोपको उत्कृष्ट साझेदारी भएको टोलीका रुपमा परिचित बन्दै आएको छ । लिग वानमा यी ३ जनाले मिलेर ३८ गोल गरिसकेका छन् । त्यसमध्ये इडिन्सन काभानीले मात्र १९ गोल गरेका छन् । नेयमार र बाप्पेले काभानीलाई गोल गर्न निकै सघाइरहेका छन् । नेयमार बार्सिलोनाबाट र गत सिजन मोनाकोमा उच्च प्रदर्शन गरेका केलियन बाप्पे लोनमा गएपछि पिएसजी निकै बलियो रुपमा प्रस्तुत भइरहेको छ ।

२. स्ट्रेलिङ, अगुएरो, गाब्रियल जेसस (म्यानचेस्टर सिटी)–३५ गोल


म्यानचेस्टर सिटीले प्रिमियर लिगमा यो सिजन २२ खेलमा ६४ गोल गरिसकेको छ । त्यसमध्ये स्ट्रेलिङ, अगुएरो, गाब्रियल जेससले ३५ गोलको साझेदारी गरेका छन् । जसका कारण पेप ग्वार्डिओलाको सिटीले प्रिमियर लिगमा १५ अंकको अग्रता लिएको छ । ३ खेलाडी मध्ये २३ वर्षे रहिम स्ट्रेलिङले १४ गोल गरिसकेका छन् भने अगुएरोको १३ र जेससको नाममा ८ गोल रहेको छ ।

३.सालाह, फिर्मिनो, कौटिन्हो (लिभरपुल)–३३ गोल

योर्गन क्लोपको टोलीले पनि प्रिमियर लिगमा ५० गोल गरिसकेको छ । त्यसमध्ये ३३ गोल सालाह, फिर्मिनो, कौटिन्होले गरेका छन् । तर, अब यो साझेदारी टुट्ने भएपछि त्यसको असर लिभरपुललाई कति पर्नेछ त्यो समयले बताउने छ । कौटिन्हो लिभरपुल छाडेर बार्सिलोना आबद्ध हुने क्रममा छन् । चोटका कारण ढिला गरि सिजनको सुरुआत गरेका कौटिन्होले ७ गोल गरेका थिए भने फिर्मिनोले ९ गोल गरेका थिए । टोलीका नयाँ खेलाडी सालाहले भने १७ गोल गरेका छन् ।

४. मेस्सी, स्वारेज, पौलिन्हो (बार्सिलोना)–३१ गोल


लियोनल मेसी यो सिजनको उत्कृष्ट खेलाडी मध्येका एक हुन् । सुरुआती ४ खेलमा दुई ह्याट्रिक गर्न सफल मेस्सी १५ गोलसहित ला लिगामा अहिले शीर्षस्थानमा छन् । त्यस्तै लुइस स्वारेजले पनि १० गोल गरिसकेका छन् । टोलीका नयाँ खेलाडी पौलिन्होले मेस्सी र स्वारेजसँगको साझेदारीमा ६ गोल गरिसकेका छन् ।

५. केन, सन, डेले अल्ली (टोटेनह्याम)- ३० गोल


यो सिजन ह्यारी केन उच्च फर्ममा रहेका छन् । इङ्ल्यान्ड टोलीका फरवार्ड केनले प्रिमियर लिगमा यो सिजन २० खेलमा १८ गोल गरिसकेका छन् । जसमध्ये पछिल्ला ४ खेलमा उनले २ ह्याट्रिक गरेका थिए । सन् २०१७ मा क्रिस्टियानो रोनाल्डो र लियोन मेस्सीलाई पछि पछि पार्दै केनले सर्वाधिक गोल गरेका थिए । सनले पनि यो सिजन ७ गोल गरिसकेका छन् । राम्रो साझेदरी गरिरहेका अल्लीले पनि ५ गोल गरेका छन् ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.