8 years ago
June 2, 2018
प्रकाश तिमल्सिना
पोखरा- राष्ट्रिय फुटबल टोलीका पूर्व कप्तान हरि खड्का नेपाली महिला राष्ट्रिय टोलीको मुख्य प्रशिक्षक नियुक्त भएका छन् । अखिल नेपाल फुटबल संघ (एन्फा) मा नेतृत्व परिवर्तनसँगै नयाँ प्रशिक्षक नियुक्ती गर्ने प्रक्रियामा खड्कालाई महिला टोलीको जिम्मा दिइएको हो ।
प्रशिक्षक हरि खड्का ।
यो महिनाको सुरुवातबाट लागु हुने गरि नियुक्ती दिइएको एन्फाका महासचिव इन्द्रमान तुलाधारले हाम्रो खेलकुदलाई जानकारी दिए । ‘एएफसी ए लाइसेन्स होल्डरहरु मध्येबाट हामीले प्रशिक्षक छानेका हौं,’ उनले भने, ‘त्यसमा खड्कालाई महिला टोलीको जिम्मेवारी दिइएको हो ।’
खड्काले महिला टोलीको जिम्मेवारी पाउनुलाई अवसर र चुनौति दुवै हिसाबमा लिएका छन् । उनले आफ्नो पहिलो लक्ष्य महिला टोलीलाई महिला साफ च्याम्पियनसिप जिताउने रहेको बताएका छन् । यसअघिको साफ च्याम्पियनसिपमा बाहेक नेपाल सबै संस्करणको उपविजेता हो ।
‘हामीकहाँ पुरुष खेलाडीको दाजोमा जति कार्यक्रम हुन्छन् त्यति महिलाको छैन । त्यसैले महिला फुटबल विकासका लागि पनि त्यस्तै कार्यक्रम ल्याउन जरुरी छ जति पुरुषका छन्’ नेपाली राष्ट्रिय टोलीबाट सर्वाधिक १३ गोल गर्ने मध्येका एक खड्काले भने, ‘उमेर समूहको खेलाडी छनोटको प्रक्रिया अघि बढाउँदैछौं । त्यस्तै पुरुषहरुको जस्तै महिलाहरुका लागि पनि एकेडेमी सञ्चालनको लागि एन्फामा प्रस्ताव गर्नेछु ।’
उनले महिलाको उमेर समूहका खेलाडी छनोट गर्ने र लिगलाई व्यवस्थित गर्नुपर्नेमा जोड दिएका छन् । ‘हामी महिला फुटबल विकासका लागि एन्फामा योजना पेश गर्ने हौं,’ खड्काले भने, ‘मेरो प्रशिक्षण टोलीलाई पनि केहि समयमा पूर्णता दिएपछि हामी कार्ययोजना पनि बनाउनेछौं ।’ यो वर्ष नेपालले महिला साफ च्याम्पियनसिपलगायत उमेर समूहका प्रतियोगितामा पनि भाग लिने तयारी गरिरहेको छ ।
राष्ट्रिय फुटबल टोलीका सहायक प्रशिक्षक र एन्फा यू १४ को प्रशिक्षण सम्हालिसकेका खड्का एन्फाको यसअघिको निर्वाचनपछि भने जिम्मेवारीबाट हटाइएका थिए । २०७३ मा उपेन्द्रमान सिंहलाई उपाध्यक्ष पदमा निर्वाचित गराउने अभियानमा लागेका कारण खड्कासहित अर्का पूर्व कप्तान एवम् प्रशिक्षक बालगोपाल महर्जनलाई एन्फाबाट हटाइएको थियो ।
गत महिनाको निर्वाचनमा कर्मा छिरिङ शेर्पाको नेतृत्वमा एन्फाको कार्यसमिति आएसँगै महर्जन र खड्का जिम्मेवारी सहित फर्केका छन् । शेर्पाकै समूहबाट सिंह उपाध्यक्षमा निर्वाचित भएपनि खड्का र महर्जनलाई एन्फा प्रशिक्षकमा फर्काइएको हो । नेपाली टोलीलाई झन्डै ३ वर्षअघि बंगबन्धु गोल्डकप जिताएका महर्जन राष्ट्रिय टोलीको प्रशिक्षकको जिम्मेवारी पाएका छन् ।
December 16, 2025
एजेन्सी – म्यानचेस्टर युनाइटेड र एएफसी बर्नमाउथबीच ओल्ड ट्राफोर्डमा भएको खेल ४–४ को रोमाञ्चक बराबरीमा सकिएको छ। खेलमा दुबै टोलीका गरेर ८ फरक खेलाडीले गोल गरे। पहिलो हाफमा युनाइटेडले दुई पटक अग्रता लियो। अमाडले १३ औं मिनेटमा गोल गर्दै युनाइटेडलाई अघि बढाए। बर्नमाउथका एन्टोइन सेमेन्योले ४० औं मिनेटमा बराबरी गोल फर्काए। कासेमिरोले पहिलो हाफको इन्जुरी […]
December 15, 2025
हिमाल खरेल , बिर्तामोड झापा गोल्डकपको सातौँ संस्करण माघ अन्तिम साता हुने भएको छ । अखिल नेपाल फुटबल संघले प्रकाशित गरेको पछिल्लो तालिकाअनुसार झापा गोल्डकप माघ २४ गतेदेखि हुने भएको छ । हालै दिवंगत भएका गोल्डकपका निवर्तमान अध्यक्ष विनोद बस्नेतको स्मृतिमा आयोजना गर्न लागिएको प्रतियोगिता बिर्तामोडस्थित डोमालाल राजवंशी रंगशालामा हुनेछ । प्रतियोगिताको फाइनल खेल फागुन […]
December 15, 2025
एजेन्सी – रियल म्याड्रिडले ला लिगामा अलाभेसमाथि २-१ जित निकाल्दै शीर्ष स्थानको बार्सिलोनासँगको दूरी घटाएको छ। सेल्टा भिगो र म्यानचेस्टर सिटीसँग लगातार पराजय भोगेपछि मुख्य प्रशिक्षक जाबी अलोन्सो दबाबमा थिए । अलाभेसविरुद्ध पनि हार बेहोरेको अवस्थामा ४४ वर्षीय अलोन्सोका पद जोखिममा पर्ने सम्भावना थियो। तर कठिन अवे जितसँगै रियलले लिगको शीर्ष स्थानमा रहेको बार्सिलोनासँगको दूरी […]
